viernes, enero 30, 2009

A Galescola de Salceda aumentou o servizo a 12 nen@s máis

A Galescola de Salceda, que xestiona o Consorcio Galego de Benestar e Igualdade, dependente da Vicepresidencia do Benestar e da Igualdade, ven de aumentar o número de prazas para nenos e nenas de 0 a 3 anos ata completar un total de 60. A Galescola oferta un servizo de comedor do que están a disfrutar un total de 25 nenos e nenas que poden comer nas propias intalacións nun horario de 12:30 a 13:00 horas. Dende a Galescola informan que as dietas son equilibradas e variadas, con comida fresca e cociñada nas propias instalacións grazas ó traballo dunha cociñeira adscrita ó centro. Existen dietas epeciais para celiacos, nenos que teñan intolerancia á lactosa e outras anomalías alimentarias. Monica Vizcaya, Concelleira de Benestar e Igualdade, declara que a Galescola de Salceda está a dar un servizo demandado polos pais e nais dos pequenos, xa que a veces é difícil conciliar a vida laboral e familiar e este servizo axuda a elo xa que en Salceda existen de 386 nenos e nenas de 0 a 3 anos. Marcos Besada, alcalde Salceda salienta que a Galescola supuxo que por primeira na historia de Salceda existe un sevizo de gardería pública da máxima calida e con tódolos servizos necesarios. “O que se pretende é que os pais e nais dos nenos de Salceda teñan máis servizos que lles faciliten a vida diaria”.

domingo, enero 25, 2009

Festas San Brais 2009 en Budiño

O vindeiro venres día 31 comezan as festas de San Brais 2009. Este ano é o barrio do Mosteiro o encargado de organiza-las festas e preparar o tradicional desfile de ramos, espadanas e andores. Esta é unha selección de fotos publicadas en Valdolouro das festas de San Brais de Budiño.


martes, enero 20, 2009

Nova programación do Bar Liceum (Xaneiro e Febreiro)

Os amigos do Bar Liceum de O Porriño envíannos a nova programación cultural para os primeiros dous meses do 2009. Este é o seu cartel anunciador.

jueves, enero 15, 2009

Cursos de voluntariado en Salceda

A Concellería de Voluntariado do concello de Salceda de Caselas informa de que entre os meses de xaneiro a abril levaranse a cabo varias accións formativas en materia de voluntariado. Estes cursos encadranse dentro da campaña de formación para o voluntariado Movete 09 organizada pola Dirección Xeral de Xuventude e Solidariedade.
Os cursos a desenvolver son os seguintes:
- Voluntariado e Infancia,
- Iniciación ao Voluntariado
- Voluntariado e Autonomía Persoal
- Voluntariado e Inclusión Social
- O coñecemento do voluntariado do monte galego
- Voluntariado, ocio e tempo libre.
O vindeiro xoves 22 de xaneiro impartirase o primeiro dos cursos encadrados nesta campaña “Voluntariado e Infancia” no centro de servicios sociais A Devesa en horario de 09:00 a 13:30 horas.
Todas aquelas persoas interesadas en participar nestes cursos ou en obter máis información poden dirixirse a: Oficina Municipal de Voluntariado do Concello de Salceda de Caselas Tlf. 986349003 Ext 4 ou voluntariado@salcedadecaselas.es

martes, enero 13, 2009

O concello de Salceda pon en marcha 2 aparcadoiros públicos e de balde

O Concello de Salceda de Caselas acaba de por a disposición de tódolos veciños e veciñas de Salceda dous novos aparcadoiros públicos para o estacionamento dun total de 350 vehículos. Trátase de dous solares no centro urbán de Salceda que o goberno municipal negociou para a súa cesión temporal por parte dos propietarios. O aparcadoiro situado na Rúa Zunzunegui, moi preto da casa do Concello, consta duns 2.030 m2., nos que se poderán estacionar 300 vehículos despois de que o departamento de vías e obras acondicionara o lugar para o acceso rodado de automóbiles. O segundo aparcadoiro úbicase na Rúa Victoriano Pérez Vidal, tamén no centro de Salceda e ten unha capacidade para 40 automóbiles nunha superficie duns 250 m2 que xa está sendo utilizado polos veciños e veciñas de Salceda despois do seu axeitamento.
O alcalde, Marcos Besada, salientou o importante esforzo que se está a facer para dotar de prazas de aparcadoiro ó centro urbán, xa que se sabe que é unha preocupación da maioría dos veciños e veciñas de Salceda. “Ademais con isto tamén se pretende favorecer ó comercio local, nestas épocas de crise.”
O concelleiro de Tráfico, Martín Iglesias, quixo destacar que se sigue traballando tanto na consecución de novos aparcadoiros, como nun plan de tráfico que axilizará a circulación de vehículos polo casco urbán, ademais de crear zonas de carga e descarga, tan demandadas polos comerciantes salcedenses.

Aparcadoiro da rúa Zunzunegui


Aparcadoiro da rúa Victoriano Pérez Vidal

jueves, enero 08, 2009

A Asociación de Veciños A Carballleira esíxelle a diputación o remate da estrada PO-2501

A Asociación de Veciños Carballeira de Picoña, Salceda de Caselas quere por de manifesto o abandono e o desinterés que a Deputación Provincial de Pontevedra mostra con respecto ó remate das obras da estrada provincial PO-2501 que une o centro de Salceda coa parroquia de San Xurxo pasando por Picoña. As melloras nesta estrada desenvolvéronse en tres fases: a primeira entre San Xurxo e Picoña, a segunda entre Salceda e O Barreiro e a última entre O Barreiro e Picoña. Esta terceira encontrase na actualidade a medio facer e sen rematar dende hai máis de tres anos debido, según ten coñecemento esta asociación, ós problemas de cesión de terreos por parte dos propietarios. Son varios tramos os que están sen rematar, co ancho de catro metros antigo e cun firme deteriorado e irregular. Esta asociación pediu explicacións por dúas veces á Deputación Provincial, unha vía correo certificado, á cal non obtivo resposta e outra vía internet onde escuetamente o catro de xullo se contesta que está pendente do plan estratéxico para a modernización das vías provinciais de Pontevedra. Esta asociación ten constancia dun informe do enxeñeiro xefe da zona sur da Deputación que di que os tramos pendentes de mellorar coinciden cos das persoas que non cederon os terreos e que a solución pasa pola cesión dos propietarios ou que o Concello solicite á Deputación a tramitación dun expediente de expropiación. Esta asociación solicitou ó Concello que dera este paso e ten noticia que en xuño do 2008 o Concello de Salceda solicitou á Deputación que tomara as medidas oportunas para o remate das obras na citada estrada, incluso a expropiación se fora preciso.
Polo tanto a Asociación de Veciños Carballeira solicita á Deputación Provincial de Pontevedra o inmediato remate destes tramos, que na súa totalidade non supón máis de 1 Km., dado o estado de perigo que supón esta situación tanto para viandantes como para vehículos, incluídos o transporte público e escolar, xa que por exemplo, nestes lugares non pasan ó mesmo tempo un autobús e un automóbil e que s é preciso inicie o procedemento de expropiación como xa ten feito noutras estradas da provincia.

Estado no que se atopa a estrada dende hai máis de 3 anos, xusto onde remata a parte reformada, onde se pode apreciar o diferente ancho de vía

sábado, enero 03, 2009

Axenda dos Reis Magos no Val do Louro

Este luns pola noite terán unhas horas de grande actividade, pero as súas maxestades os Reis Magos de Oriente, ainda disporán dunhas horas libres pola tarde para visitar aos nenos e maiores de Val do Louro. Esta é a axenda prevista nos concellos da nosa bisbarra.
No concello de Mos, despois dunha xira que levan nos días anteriores polas distintas parroquias do concello, concentraranse tódalas carrozas participantes na cabalgata, na capela de San Amaro en Petelos, as 17:00 horas, e alí comezarán o seu desfile cara o Pavillón Oscar Pereiro.
No concello de O Porriño, a cabalgata partirá ás 18:00 horas do Pavillón Municipal ata a Praza Central. Estarán acompañados polas rondallas de Pontellas, Atios e Santa Eulalia de Mos.
En Salceda a cabalgata real partirá as 17:00 horas do Pavillón Municipal e percorrerá as principais rúas de Salceda ata a Praza do Concello. Estarán acompañados da Banda de Gaitas de Entenza.
No concello de Tui, a cabalgata partirá as 18:00 horas da antigua alfándega. Chegará ata o Paseo da Corredoira e estarán acompañados por máis de 120 persoas e a parte musical correrá a cargo da rondalla do Centro Cultural O Mosteiro de Pexegueiro.

viernes, enero 02, 2009

Novo éxito da Coral Polifónica de Entenza

A Coral Polifónica de Enteza (Salceda) acadou un novo éxito este nadal. Despois de pasar a final do concurso de panxoliñas de Caixanova, acaba de gañar o primeiro premio do concurso de panxoliñas celebrado o pasado domingo día 28 na catedral de Tui, ante numeroso público. O segundo clasificado foi Agrupación Coral do Rosal e o terceiro premio para a Coral San Mamede de Zamans (Vigo).