viernes, mayo 29, 2009

Festival de Cans 2008, fotos e vídeos

Máis de 7.000 persoas segundo estimacións da organización, acudiron a pasada semana a parroquia porriñesa de Cans para participar no Festival de Cans. Este domingo pola tarde na sala Tubulart de O Porriño será a clausura oficial de dito festival. Creo que as dimensións que está adquirindo o Festival teñen que facer que a organización tome medidas en vindeiros anos para que non se vexan desbordados polo público. Para min a cantidade de público que acudiu nesta edición está no límite do desexable para que o Festival non perda o encanto que tivo todos estes anos. Este ano xa foi un acerto o corte de tráfico da estrada nacional, así que confiemos en toda esas persoas que, ata o de agora, lévano facendo estupendamente para que non deixe que o Festival de Cans perda a súa esencia. Estas son as fotos e vídeos que tomamos do evento.






martes, mayo 19, 2009

Comenza o VI Festival de Cans

Mañán mércores dará comenzo oficialmente a 6ª edicción do Festival de Cans. De novo os chimpíns voltarán a ruxir e os veciños terán a punto os seus alpendres para acoller ao público asistente que podrá desfrutar das 12 curtametraxes de ficción e as 5 de animación que participan no concurso. Ademáis estará o Jalpón Friki, o coloquio na leira, os homenexeados e tamén música, moita música que este ano contará coa actuación estelar de Kiko Veneno. Este é o programa musical do Festival.
Aquí podes descargar en PDF o programa completo. Só espero que este ano o Apolo XIII non teña ganas de aterrar nas leiras de Cans.

domingo, mayo 17, 2009

Milleiros de galegos enchen as rúas de Santiago en defensa da lingua

Decenas de miles de galegos ateigaron este domingo as rúas de Santiago para sair en defensa do galego e esixir que a Xunta non dé un só paso atrás na súa promoción. Pese a que as condicións meteorolóxicas non eran as mellores, e a choiva acompañou aos manifestantes durante boa parte do percorrido, persoas chegadas de toda Galicia ateigaron as rúas por onde transcorreu a manifestación, e deixaron pequena a Praza da Quintana onde se leu o manifesto en defensa da lingua. E como unha imaxe vale máis que mil palabras eiquí tedes este vídeo da Praza da Quintana no momento da lectura do manifesto coa voz de Mercedes Peón.

martes, mayo 12, 2009

A voltas co galego

No son eu persoa de acudir a moitas manifestacións, entre outras cousas porque non me gustan as multitudes, por iso dende o día 2 de marzo, dende que o Sr. Feijoó deixounos claro que a principal preocupación do novo governo da Xunta, non era a crise, non era a sanidade, non era a Lei de Dependencia senón que era a derogación do decreto do galego e que para iso non hai buraco presupuestario que o impida, pois como decía, dende ese mesmo día levo buscando razóns para acudir o dia 17 de maio a manifestación de Santiago e incluso para convencer a algúns achegados para que fagan o mesmo. A verdade e que tiña razóns dabondo:
1.-Porque é mentira, e sea esa mentira non fose tan grave incluso diría que é un chiste, dicir que o castelán estea perseguido en Galicia.
2.-Porque a maior parte dos medios de comunicación de Galicia, apenas usan o galego nos seus contidos.
3.-Porque cáseque que non hai empresas que usen o galego como lingoa institucional.
4.-Porque non coñezo a nadie que acabara os seus estudos primarios que non sepa falar castelán, e en cambio coñezo a moitos que acabaron os seus estudos universitarios e non saben falar galego, e o que é peor, moitos están ogullosos diso.
5.-Porque está demostrado cientificamente que cantos máis idiomas sepamos máis facilidade temos para aprender outras lingoas.
6.-Porque defender o galego é unha homenaxe aos nosos antergos que tanto fixeron para a súa conservación.
7.-Porque defender ao galego é ecoloxismo lingüístico, defendendo a língoa máis débil para manter a diversidade.
8.-Porque hai que amosarlles, a algúns, que somos moitos os que defendemos ao galego. Un imaxe da Praza do Obradoiro a reventar vale máis que mil palabras nos medios de comunicación.

Pero cando vin esta intervención da presentadora do Pais dos Ananos , Belén Regueira, na entrega dos premios Mestre Mateo, o único que fixen foi anotar na axenda: "12 horas da mañán, Alameda de Santiago".

P.D.: Tamén podes aportar o teu gran de area firmando o manifesto a prol da convivencia lingüística e da igualdade de dereitos para o galego, que promove A Mesa Pola Normalizacion Lingüistica.