martes, mayo 12, 2009

A voltas co galego

No son eu persoa de acudir a moitas manifestacións, entre outras cousas porque non me gustan as multitudes, por iso dende o día 2 de marzo, dende que o Sr. Feijoó deixounos claro que a principal preocupación do novo governo da Xunta, non era a crise, non era a sanidade, non era a Lei de Dependencia senón que era a derogación do decreto do galego e que para iso non hai buraco presupuestario que o impida, pois como decía, dende ese mesmo día levo buscando razóns para acudir o dia 17 de maio a manifestación de Santiago e incluso para convencer a algúns achegados para que fagan o mesmo. A verdade e que tiña razóns dabondo:
1.-Porque é mentira, e sea esa mentira non fose tan grave incluso diría que é un chiste, dicir que o castelán estea perseguido en Galicia.
2.-Porque a maior parte dos medios de comunicación de Galicia, apenas usan o galego nos seus contidos.
3.-Porque cáseque que non hai empresas que usen o galego como lingoa institucional.
4.-Porque non coñezo a nadie que acabara os seus estudos primarios que non sepa falar castelán, e en cambio coñezo a moitos que acabaron os seus estudos universitarios e non saben falar galego, e o que é peor, moitos están ogullosos diso.
5.-Porque está demostrado cientificamente que cantos máis idiomas sepamos máis facilidade temos para aprender outras lingoas.
6.-Porque defender o galego é unha homenaxe aos nosos antergos que tanto fixeron para a súa conservación.
7.-Porque defender ao galego é ecoloxismo lingüístico, defendendo a língoa máis débil para manter a diversidade.
8.-Porque hai que amosarlles, a algúns, que somos moitos os que defendemos ao galego. Un imaxe da Praza do Obradoiro a reventar vale máis que mil palabras nos medios de comunicación.

Pero cando vin esta intervención da presentadora do Pais dos Ananos , Belén Regueira, na entrega dos premios Mestre Mateo, o único que fixen foi anotar na axenda: "12 horas da mañán, Alameda de Santiago".

P.D.: Tamén podes aportar o teu gran de area firmando o manifesto a prol da convivencia lingüística e da igualdade de dereitos para o galego, que promove A Mesa Pola Normalizacion Lingüistica.


2 comentarios:

Anónimo dijo...

Moito apoio para o galego é o que fai falta,
¡¡¡ Todo a Manifestación de Santiago !!!
E non nos deixemos pisotear outra vez mais polos que queren facer desaparecer o galego.

E noraboa a Valdlolouro por este artigo, gustariame que deras permiso para difundir este artigo por toda a rede, e-mails, páxinas web etc...

ValdoLouro dijo...

Ola anónimo, moitas grazas pola gabanza que fas do artigo. Tes o meu permiso para difundilo pola rede. Só me gostaría que se citase a fonte.
Unha aperta.