A V Semana Musical de Salceda logra importantes apoios das administracións

A Dirección Xeral de Turismo, a S.A. de Xestión do Plan do Xacobeo, a Dirección Xeral de Xuventude e a Consellería de Cultura veñen de confirmar ó Concello de salceda de Caselas e á Asociación Amigos da Música o apoio económico para a celebración da V Semana Músical de Salceda de Caselas, que vai ter lugar dende o 3 ó 8 de agosto deste ano. Esta Semana Musical, organizada pola Asociación amigos da Música de Salceda de Caselas, inclue o “Curso Internacional de Música” que este ano, como en anos anteriores contará con mestres de gran prestixio internacional. O obxetivo deste curso é que tódolos músicos da Banda Cultural de Salceda e aqueles que se acerquen dende todo o territorio do estado poidan aproveitar a oportunidade de mellorar e completar os seus coñecementos de man de grandes mestres especialistas nos instrumentos obxeto do curso. O proxecto presentado á Dirección Xeral de Turismo polo alcalde de Salceda de Caselas e polos membros da Xunta Directiva da Asociación Amigos da Música foi valorado moi positivamente polo Director Xeral de Turismo, Rubén Lois, quen ven de corfirmar o apoio económico tanto por parte da Dirección Xeral, cunha aportación de 11.600 €, como por parte de Plan Xacobeo que aportará outros 10.000 €. Por outra banda a Dirección Xeral de Xuventude tamén apoiará este proxecto com 3.000 €, a mesma cantidade que aportará a Consellería de Cultura. Os mestres de grande pretixio internacional confirmados ata o de agora para o V Curso Internacional de Música de Salceda son: Rex Martin (mestre de tuba da Northwestern University of Chicago), Yehuda Gilad (mestre de clarinete da University of California) e Allan Vizzutti (trompeta solista de EEUU). Ademáis contarán co quinteto de metais italiano Gomalan Brass para impartir a Master Class deste ano. Ainda quedan pendentes outros mestres cos que se está negociando dende a Asociación Amigos da Música de Salceda e esperáse que en breve xa se teña o cartel definitivo do curso. O alcade de Salceda, Marcos Besada, amosouse satisfeito polos apoios das distintas institucións e resaltou que este proxecto está a medrar cada ano debido ó seu carácter orixinal e innovador. “Os proxectos que se están pondo en marcha dende a Asociación Amigos da Música e a Banda Cultural de Salceda, e en concreto a Semana e Musical e o Curso Internacional seguen sendo un eixo prioritario para este goberno e están tendo o máximo respaldo da Concellaría de Cultura, que dirixe Teresa Pérez co obxetivo de apoiar inciativas na procura da maior difusión da cultura do noso concello e do noso país.”

300 ciclistas e un can participaron na VIII Marcha de BTT Faro de Budiño

Uns 300 ciclista participaron na Marcha de BTT Faro de Budiño organizada polo equipo ciclista Budiño-Bike Canteiros. A proba foi todo un éxito de organización especialmente o trazado que foi do agrado da meirande parte dos participantes, se lle facemos caso aos comentarios dos ciclistas ao remate da proba así coma as opinións verquidas neste foro especializado en ciclismo de montaña. Unha das anécdotas da xornada foi o can da fotografía, que fixo toda a segunda parte do percorrido, trialeiras incluidas, supoñemos que seguindo os pasos do seu dono. Xa podedes ver parte das fotos na páxina web da Asociación Cultural A Forna. Nos vindeiros días colgaranse o resto no blog de Budiño Bike. Se alguén quedou con ganas de repetila pode baixala ruta para GPS no wikiloc.

VIII Marcha de BTT Faro de Budiño este domingo

Este domingo terá lugar en Budiño a VIII Marcha de BTT Faro de Budiño. A saída será, coma tódolos anos, do recinto de A Forna ás 9:30 da mañán. Este ano a organización corre a cargo do novo equipo de ciclismo Budiño Bike, que siguen traballando arreo para que todo saia perfecto o día da marcha. O percorrido, que xa tivemos ocasión probar, non deixará indiferente a nadie. Os compoñentes do equipo estiveron, nestas últimas semanas, poñendoo a punto, para o cal tiveron que preparan centos de metros de camiños inxistentes e que pasan as veces por sitios inimaxinables, coma o que se pode ver nestas fotografías tomadas con móvil.

Tamén será unha ocasión única para percorrer por derradeira vez algúns camiños que nos vindeiros anos desaparecerán devorados pola ampliación do Polígono da Granxa. E para rematar e recuperar forzas haberá degustación de lacón con grelos para tódolos participantes. Podes obter máis información na páxina web de Budiño Bike ou na web da Asociación Cultural A Forna

¿Para que sirve a web do concello de Tui?

Un dos acontecementos máis importantes que se celebran estes día na nosa bisbarra son as festas de San Telmo de Tui, iso si, cada vez máis devaluadas nestes últimos anos coa desaparición da FAIM, un dos buques insignias destas festas e que nestes pasados anos xa era unha simple caricatura do que foi; coa Festa da Meixón da que o Concello se desentendeu e que foi organizada este ano por veciños de Randufe e todo isto aínda se agravará nos vindeiros anos coa construcción do novo centro de saúde no aparcadoiro da Area Panorámica. Voltando ao tema deste artigo ,se alguen tenta buscar información sobre a programación de festas de San Telmo deste ano, o primeiro sitio que se lle ocurre e ir a web oficial do Concello de Tui, sendo como son, e a pesares do dito anteriormente, un dos eventos máis importantes que se celebran en Tui ao longo do ano. Pois facede a proba ide a web do concello de Tui e vede canta información podedes obter das festas de San Telmo 2009. Realmente lamentable.

Salceda presenta a humanización da rúa Dr. Zunzunegui

Mañán martes, día 14 de abril de 2009, ás 20:00 horas, presentaráse no auditorio do Concello de Salceda de Caselas o proxecto de humanización da Rúa Dr. Zunzunegui e o novo plan de tráfico. O Concello de Salceda vai executar en breve o proxecto de “Humanización da Rúa Dr. Zunzunegui”, primeiro obxetivo do plan de humanización que está a diseñar o goberno municipal para mellorar a calidade urbanistica da vila. Este proxecto está financiado pola Consellería de Innovación e Industria a través da convocatoria de subvención de mellora de zonas comerciais e polo própio Concello.Tamén se presentará o novo plan de tráfico e os novos aparcadoiros, que serán fundamentais para axilizar a circulación no centro urbán e estacionar os vehiculos co obxetivo de favorecer o comercio da vila.

Senda dos Humedais

Este pasado martes día presentouse en San Estevo de Budiño a Senda dos Humedais. Trátase dunha bonita ruta de sendeirismo, duns 9 kilómetros de percorrido, na que ademais se poden ler distintos paneis informativos que nos axudaran a enteder e a valorar máis, un dos tesoros medioambientais do que dispón a nosa bisbarra, que son os humedais das Gándaras de Budiño. Nós tivemos a ocasión de percorrelo estes días e a verdade e que é absolutamente recomendable. Cáseque na metade do percorrido parte outra ruta de sendeirismo que vai cara o Monte Aloia. Cruzando o río Louro neste punto e en apenas uns 100 metros chegamos a famosa Ponte das Febres, no Camiño de Santiago onde conta a lenda que enfermou de morte San Telmo e tivo que regresar a Tui onde falecería días máis tarde.
A ruta, para os que tedes GPS podédela baixar eiqui no wikiloc.
Nesta mesma páxina podedes baixar máis rutas subidas por Valdolouro da bisbarra e arredores.

Este é o álbum fotográfico que tomamos na Senda dos Humedais.

II Festa Trezecatorzedora

A Asociación Cultural Deportiva e Ecoloxista Trezecatorze de Salceda xa ten en marcha a segunda edición da Festa Trezecatorzeadora. Este é o seu cartel anunciador.