X Noite Internacional do Miño este martes en Rebordáns

O Parque do Laxal en Rebordáns acolle mañá martes, 28 de xullo, ás 21h a X Noite Internacional do Miño. É unha co folclore protagonizado este ano polos bailes e música de Europa do Leste e de México que organiza a Escola de Música e Baile “San Fins” de Rebordáns. Esta cita, xa consolidada, foi presentada esta mañá na Casa do Concello de Tui onde Roberto Rocha e Félix González, membros da organización, deron conta dos pormenores deste Festival respaldados polo Alcalde, Antonio Fernández Rocha, e polo Concelleiro de Cultura. A décima edición da Noite Internacional do Miño presentará este ano por unha parte o folclore de Europa do Leste representado polos grupos Folklore Ensemble Rosénka da República Checa, National Ensemble “Georgian Folklore” de Xeorxia, Ballet Folclórico da Universidade de Colima de México, e o Folk Group Salduve de Lituania. Así por una parte os grupos da Europa do Leste presentarán un folclore moi rico na parte musical con instrumentos nada habituais coma o clavicornio que empregará o grupo checo, e con traxes moi coridos no caso de Lituania e Xeorxia. Mentres o grupo da Universidade de Colima é un dos máis importantes de México onde destaca o acompañamento musical integrado por sete violíns, dous contrabaixos e dúas trompetas, e con traxes cheos de cor, segundo explicou Roberto Rocha. O Concelleiro de Cultura, Moisés Rodríguez, felicitou a Escola de Música e Baile “San Fins” por este dez ano de Festival que se fixo xa un nome non só en Galicia senón tamén a nivel internacional. Unha felicitación na que abondou o Alcalde, Antonio Fernández Rocha, e que fixo extensiva a todo o traballo realizado na Asociación Cultural “San Fins” de Rebordáns, onde dicía, teñen un viveiro de xente nova traballando nos distintos grupos. Nestes dez anos de Noite Internacional teñen pasado polo Parque do Laxal e Rebordáns máis de 40 grupos dos cinco continentes que suman máis de 1.200 músico e bailaríns. Mañá volverán ofrecer unha cita de calidade co folclore máis internacional.

Verán cultural de Salceda de Caselas

A Concellaría de Cultura do Concello de Salceda de Caselas ven de presentar a súa programación de verán para este mes de xullo, programación que comezará mañá venres e que se extenderá ata o venres 17 de xullo, enlazando así coas Festas do Cristo, a celebrar o 18, 19 e 20 de xullo. Teresa Pérez, Concelleira de Cultura, destacou a variedade da programación, con actos que pasan por teatro, baile, música, monólogos, programación infantil... considerando que estamos ante unha programación que cubre a todos os públicos e a todos os gustos. Os actos desenrolaranse na Praza do Concello, no Auditorio Municipal e no Parque Raíña Aragonta; tres escenarios idóneos para este tipo de actos. Entre o ciclo cultural e as festas estamos a falar de un presuposto que ronda os 90.000 €, dos cales uns 60.000 son aportados directamente polo Concello, e os 30.000 restantes pola Consellería de Cultura da Xunta de Galicia, a Deputación Provincial, Caixanova e Caixa Galicia. A Concelleira quixo destacar as ineludibles citas como son o Certame de Bandas de Música, que vai xa pola XVIII edición ou a Festa da Muiñeira, citas moi esperadas polo público. Así mesmo, agradeceu a asistencia de veciños e forasteiros, manifestando a satisfacción que produce ver como cada día os actos programados contan con grande asistencia de público.
Pola súa parte o alcalde, Marcos Besada, reiterou o agradecemento ás diferentes institucións e entidades financieiras que colaboran co ciclo, e convidou aos veciños e veciñas a participar dos actos e a desfrutar dos días de festa.

ACTOS PROGRAMADOS
VENRES 3:
20:30 Inauguración da exposición “Anacos da terra” de Kike Corbacho
Auditorio Municipal
22:30 Grupo de playbacks Xunco (Parderrubias)
Praza do Concello

SÁBADO 4:
21:30 Aula Municipal de Teatro Infantil
Auditorio Municipal

LUNS 6:
22:30 Grupo de playbacks de Soutelo
Praza do Concello

MARTES 7:
22:30 Grupo de playbacks O Coto (Budiño)
Praza do Concello

MÉRCORES 8:
23:00 Cine na Rúa: “Mamma Mía!”
Parque Raíña Aragonta

XOVES 9:
22:30 II Certame de corais:
- Orfeón Condado Paradanta
- Coral de Santa María de Salceda
- Coro Polifónico de Entenza
Praza do Concello

VENRES 10:
21:30 XVIII Certame de bandas de música:
- Banda de Música Unión Musical de Ponteledesma
- Banda de Música de Santa Cruz de Ribadulla
- Banda de Música Cultural de Salceda de Caselas
Presenta: Beti Rei
Praza do Concello

SÁBADO 11:
22:30 Concerto folk: Tarxa
Praza do Concello

DOMINGO 12:
20:00 Xogos para nenos con Rivel Animación
Parque Raíña Aragonta

LUNS 13:
23:00 Cine na Rúa: “Kung Fu Panda”
Parque Raíña Aragonta

MARTES 14:
22:30 Concerto folk: Avelaíña
Praza do Concello

MÉRCORES 15:
A NOITE DAS CULTURAS
22:00 Ballet folclórico Monterrey (México)
23:00 Escola de samba Zumbón: batukada e capoeira
Praza do Concello

XOVES 16:
17:00 Día do neno: hinchables, festa da espuma…
Praza do Concello
21:30 Aula Municipal de Teatro de Adultos
Auditorio Municipal
23:00 Cándido Pazó: “O falar non ten cancelas”
Parque Raíña Aragonta

VENRES 17:
CULTURA EN RUTA
18:00 Pasarrúas dun grupo de gaitas
19:00 Espectáculo infantil: “dous paiasos en apuros”
Praza do Concello
21:15 Concerto pop-rock
22:30 Música galega: Brath

SÁBADO 18:
20:00 Festival da muiñeira
Parque Raíña Aragonta
Verbena con Millenium e Magos de España

DOMINGO 19:
12:00 Misa de campaña cantada pola Coral de Santa María de Salceda
Praza do Concello
13:00 e 21:00 Concertos da Banda de Música Cultural de Salceda de Caselas
Praza do Concello
Verbena con Miramar e Emperadores

LUNS 20:
19:00 Partidos de fútbol amistosos masculino e femenino: Salceda – Salvaterra
Campo de fútbol Municipal da Gándara
Verbena con Panamá e Nueva Generación
Praza do Concello

A Radio Municipal de Tui en internet durante o mes de xullo

Dende hoxe 1 de xullo é posible escoitar a Radio Municipal de Tui a través de internet. Isto é así grazas a colaboración establecida coa Conectatparty que se vai celebrar do 16 ao 19 de xullo no Pavillón de Sobrada, en Tomiño. Deste xeito a RMT é accesible dende calquera ordenador con conexión a internet a través da páxina web www.conectateparty.org ou www.conectatparty.org durante todo o mes de xullo. Para iso só é preciso clickar no enlace que está accesible no sitio web.Este salto á rede era moi demandado polos oíntes da emisora municipal tudense, sobre todos por aqueles que se atopan no estranxeiro, ou noutros puntos de España onde non chega a cobertura por ondas. Así dende a súa posta en marcha en internet rexistráronse xa conexións dende Londres, Irlanda, Barcelona, Madrid, A Coruña, ou Santiago de Compostela. Isto permitirá ademáis que en moitas oficinas onde carecen de receptor de radio poidan seguir a programación da RMT ao través do ordenador.

Audición fin de curso da Escola de Música de Salceda

O próximo sábado 27 de Xuño ás 20:30 Horas no Auditorio Municipal de Salceda de Caselas, celebrarase a audición fin de curso da Escola de Música de Salceda. Nela poderase ver o traballo realizado por todos os alumnos que forman parte da escola, dende os alumnos de música e movemento, onde os mais pequenos teñen 4 anos de idade, pasando polos que están a perfeccionar o estudio do seu instrumento para mellorar a calidade da Banda de Música Cultural de Salceda de Caselas e en moitos casos preparandose para vivir profesionalmente da música, ata os alumnos que aprenden a tocar un instrumento por aficción no que non hai límite de idade, este é o caso dos alumnos de gaita, acordeón, guitarra, percusión africana e baile de salón.
A Audición estará chea de sorpresas e presentada de unnha forma dinámica na que todo o público pasará un rato moi agradable.

IX Festa do Polo Asado en Salceda

Abraham Olano estará en Salceda na II Marcha Cicloturista Raiña Aragonta

Este fin de semana Salceda contará coa presencia do ex-campión do mundo de ciclismo Abraham Olano. Olano participará na II Marcha Cicloturista Raiña Aragonta organizada polo clube ciclista do mesmo nome. O sábado haberá unha gala homenaxe e o domingo será a proba. Estes son os carteis e o vídeo promocional da mesma.

Festival de Cans 2008, fotos e vídeos

Máis de 7.000 persoas segundo estimacións da organización, acudiron a pasada semana a parroquia porriñesa de Cans para participar no Festival de Cans. Este domingo pola tarde na sala Tubulart de O Porriño será a clausura oficial de dito festival. Creo que as dimensións que está adquirindo o Festival teñen que facer que a organización tome medidas en vindeiros anos para que non se vexan desbordados polo público. Para min a cantidade de público que acudiu nesta edición está no límite do desexable para que o Festival non perda o encanto que tivo todos estes anos. Este ano xa foi un acerto o corte de tráfico da estrada nacional, así que confiemos en toda esas persoas que, ata o de agora, lévano facendo estupendamente para que non deixe que o Festival de Cans perda a súa esencia. Estas son as fotos e vídeos que tomamos do evento.

Comenza o VI Festival de Cans

Mañán mércores dará comenzo oficialmente a 6ª edicción do Festival de Cans. De novo os chimpíns voltarán a ruxir e os veciños terán a punto os seus alpendres para acoller ao público asistente que podrá desfrutar das 12 curtametraxes de ficción e as 5 de animación que participan no concurso. Ademáis estará o Jalpón Friki, o coloquio na leira, os homenexeados e tamén música, moita música que este ano contará coa actuación estelar de Kiko Veneno. Este é o programa musical do Festival.
Aquí podes descargar en PDF o programa completo. Só espero que este ano o Apolo XIII non teña ganas de aterrar nas leiras de Cans.

Milleiros de galegos enchen as rúas de Santiago en defensa da lingua

Decenas de miles de galegos ateigaron este domingo as rúas de Santiago para sair en defensa do galego e esixir que a Xunta non dé un só paso atrás na súa promoción. Pese a que as condicións meteorolóxicas non eran as mellores, e a choiva acompañou aos manifestantes durante boa parte do percorrido, persoas chegadas de toda Galicia ateigaron as rúas por onde transcorreu a manifestación, e deixaron pequena a Praza da Quintana onde se leu o manifesto en defensa da lingua. E como unha imaxe vale máis que mil palabras eiquí tedes este vídeo da Praza da Quintana no momento da lectura do manifesto coa voz de Mercedes Peón.

Exposición de bicicletas antigas en Salceda