Carreira San Telmo 2013 - Tui

Muiños de Paredes no Monte Aloia

O mal tempo tamén ten cousas boas como pode ser observar paisaxes coñecidas, en circunstancias pouco habituais, como é o caso do río Deique no Monte Aloia que baixa cheo de auga formando fermosas fervenzas cun son, que por desgraza non se pode plasmar nas fotografías. Esta é unha primeira serie de fotos sobre o Monte Aloia, tomadas nos Muiños de Paredes na parroquia de Rebordáns en Tui.

Efectos da cicloxénesis Gong ao seu paso por Caldelas

Estes son os restos que deixou a cicloxénesis Gong ao seu paso por Caldelas (Tui). O nivel do río xa baixou bastante con respecto a onte.

Entre lusco e fusco na ribeira de Caldelas

Programación Festas de San Telmo 2012 en Tui

Sábado 7
Ás 16h nos terreos das antigas instalacións de Cam-Fran: IV Proba automobilística de habilidade.
Ás 19h no Teatro Municipal da Área Panorámica solemne acto de coroación das raíñas de San Telmo 2012 e lectura do pregón a cargo de Manuel Garrido Barbosa.
Ás 20h na Sala de Exposicións Municipal na Área Panorámica inauguración da exposición filatélica FITUI 2012.
Ás 20:30h pasarrúas dende a Área Panorámica ata a Glorieta de Vigo para a realización dunha homenaxe ao escultor Juan Oliveira, co gallo do décimo aniversario do seu paramento. Ás 21h Inauguración do alumeado das festas

Domingo 8
Ás 8.30h tirada de bombas de palenque anunciando o segundo día de festas.
Ás 15.3h nos terreos das antigas instalacións de Cam-Fran IV Proba automobilística de habilidade. Competición de coches de radio control (gasolina e eléctricos).
Ás 17.15h no Centro Sociocomunitario baile para os maiores co grupo Tráfico.
Ás 18h no Teatro Municipal Festival Folclórico San Telmo 2012 coa participación do grupos das asociacións culturais tudenses.
Ás 20h na Catedral Santa Misa presidida por D. Fernando Cerezo García, reitor do Seminario Menor de Tui, e cantada pola Coral da S.I. Catedral e novena na honra a San Telmo.
Ás 20.30h Primeira verbena no Paseo da Corredoira coa orquestra Galilea.

Luns 9
Ás 16.30h na Sala da UNED en Santo Domingo comeza a VIII Semana de Cine Infantil coa proxección de “El Gato con botas”.
Ás 17.30h Vista das raíñas acompañadas das súas damas de honra á Residencia San Telmo e á Residencia Paz y Bien, acompañadas por un grupo folclórico.
Ás 20h na Catedral Santa Misa presidida por D. David Romero Boullosa, formador do Seminario Menor de Tui e cantada pola Coral de Entenza. Novena na honra a San Telmo.
Ás 21h no Teatro Municipal de Tui na IV Semana de Teatro Afeccionado de San Telmo o grupo de teatro Atalaia do Centro Sociocomunitario de Tui porá en escena a obra “Extraños hábitos”.

Martes 10
Ás 10h Saída dende a Catedral da excursión polo Camiño de Santiago ata a Ponte das Febres.
Ás 11h Misa para os peregrinos na Capela da Virxe do Camiño.
Ás 13.30h Xantar campestre na Ponte das Febres para os participantes, coa actuación dun grupo de música tradicional. Ás 16h no Pavillón Polideportivo Municipal Torneo de Balonmán San Telmo 2012.
Ás 16.30h na Sala da UNED en Santo Domingo VIII Semana de Cine Infantil coa proxección de “Winter”.
Ás 20h na Catedral Santa Misa presidida por D. J. Benito Rodríguez Guerreiro, párroco de Morgadáns, Chaín e Couso e cantada pola Coral do Centro Sociocomunitario de Tui. E novena na honra a San Telmo.
Ás 21h no Teatro Municipal de Tui na IV Semana de Teatro Afeccionado de San Telmo o grupo de teatro Mesturanzas da Asociación Cultural “Seixos Albos” de Areas presenta “A Pousadeira”.

Mércores 11
Ás 11.30h no Claustro da Catedral Concurso de Debuxo.
Ás 16h no novo pavillón municipal Torneo de Balonmán mixto.
Ás 16.30h na Sala da UNED en Santo Domingo VIII Semana de Cine Infantil coa proxección da película “Tin Tin”.
Ás 20h na Catedral Santa Misa presidida por D. Juan Diz Miguélez, párroco de Baíña e Baredo, e cantada pola Coral do Rosal. E novena na honra a San Telmo.
Ás 21h no Teatro Municipal de Tui na IV Semana de Teatro Afeccionado de San Telmo o grupo de teatro Caldemiños da Asociación Cultural “A Insua” de Caldelas porá en escena “Nin mortos nin vivos senón todo o contrario”.

Xoves 12
Ás 16.30h na Sala da UNED en Santo Domingo VIII Semana de Cine Infantil coa proxección de “Animals United”.
Ás 20h na Catedral Santa Misa presidida por M.I.S.D. Luís Hierro Najarro, párroco de Bouzas e cantada pola Coral Mª Auxiliadora de Vigo. E novena na honra a San Telmo.
Ás 21h no Teatro Municipal de Tui na IV Semana de Teatro Afeccionado de San Telmo o grupo de teatro Aloia da Asociación Cultural “Aloia” de Pazos de Reis presenta “A avoa volve casar”.

Venres 13
Ás 16.30h na Sala da UNED en Santo Domingo VIII Semana de Cine Infantil coa proxección da película “Río”.
Ás 19h no Paseo da Corredoira Karaoke Infantil.
Ás 19.30h actuación da charanga tudense “Cantos Somos”.
Ás 20h na Catedral Santa Misa presidida polo pai dominico Fr. Alejandro Pérez García e cantada pola Coro Clásico de Vigo. E novena na honra a San Telmo.
Ás 20h no Teatro Municipal de Tui na IV Semana de Teatro Afeccionado de San Telmo o grupo de teatro infantil Garabullada da Asociación Cultural “Xuntanza” de Randufe presenta “El cerco de las escobas”.
Ás 22h no Paseo da Corredoira Karaoke para adultos. Ao finalizar actuación do grupo musical “Tráfico”.
Ás 23.45h Campionato de Tuto na Cafetería El Pilar.

Sábado 14
Ás 9h Bombas de palenque anunciarán o primeiro día grande das festas.
Ás 10.30h Entrada no recinto gastronómico da charanga “Cantos Somos”.
Ás 11h no centro hípico Equigalia en Pexegueiro I Concurso Hípico Concello de Tui. Organiza: Club Hípico Equigalia.
Ás 11.30h Na rúa Compostela inicio da VIII Festa Gastronómica con polbo, mexillóns, empanadas e filloas, con viños albariño e ribeiro.
Ás 16h Exhibición de tenis e campionato de Xadrez no Paseo da Corredoira.
Ás 16h V Supercross Cidade de Tui 2012 – Campionato Galego. Organiza: Motoclub Randufe.
Ás 17.30h Exhibición de Cetrería.
Ás 18h Pasarrúas a cargo da charanga “Cantos Somos”.
Ás 20h na Catedral Santa Misa presidida polo pai dominico Fr. Alejandro Pérez García e cantada pola Coral Polifónica da Guarda. E novena na honra a San Telmo.
Ás 20h no Teatro Municipal de Tui na IV Semana de Teatro Afeccionado de o grupo de teatro San Fins da Asociación Cultural “San Fins” de Rebordáns representa “Ovellas negras”.
Ás 21.30h Verbena coas orquestras Abanico e Fania Blanco Show.

Domingo 15
Ás 9h Doce bombas de palenque anunciarán o segundo día grande das festas.
Ás 10.30h Carreira Popular de San Telmo 2012 con saída dende o Paseo da Corredoira. Organiza: Club Atletismo Tui-Thermalia.
Ás 11.45h Desfile exaltación do traxe tradicional coa participación das raíñas e as súas damas de honra, e de todos cantos desexen participar, dende o Teatro Municipal ata a Catedral. Organiza: Asociación Cultural e Xuvenil do Traxe Tradicional de Tui.
Ás 12h Na S.I. Catedral Santa Misa ofrenda a San Telmo por nenos e maiores ataviados con traxes rexionais. Presidida polo prior da Confraría de San Telmo M.I.S. D. Ricardo García Fernández.
Ás 13h Pasarrúas a cargo da Banda de Música Popular de Tui.
Ás 13.15h Baile rexional no pórtico da Catedral con grupos folclóricos de Galicia e de Huelva.
Ás 16h Exhibición canina nos terreos do Instituto San Paio. Programación Festas de San Telmo 2012.
 Ás 17h No Complexo deportivo Álvarez Durán partido de liga da Terceira Autonómica entre o Tyde F.C.e o Mosende.
Ás 20h na Catedral Santa Misa presidida polo pai dominico Fr. Alejandro Pérez García e cantada polo Coro Polifónica Sportivo de Ponteareas. E novena na honra a San Telmo.
Ás 20.30h Verbena a cargo das orquestras París de Noia e Salsa Rosa.

Luns 16 - Festivo Local
De 8h a 10h Misas na Igrexa de San Telmo.
Ás 9h 21 bombas de palenque anunciarán o comezo do día grande das festas.
Ás 10h Feira dos Cabalos (no lugar de costume).
Ás 11h Procesión das Reliquias pola Coronilla, e Santa Misa concelebrada na S.I. Catedral presidida polo Excmo. e Rvdmo. Sr. Bispo da Diocese de Tui-Vigo, e cantada pola Coral da S.I. Catedral.
Ás 12.30h entrada da Banda de Gaitas de Paramos.
Ás 14h Repique das campás da S.I. Catedral acompañadas dunha gran tirada de bombas de palenque.
Ás 18.30h Entrada da Banda de Guerra da Brilat-Galicia VII.
Ás 18.30h Homenaxe aos confrades de San Telmo falecidos durante o ano pola Banda da Brilat na Igrexa de San Telmo.
Ás 18.30h Concerto da Banda de Música da Escola Naval Militar de Marín no Teatro Municipal da Área Panorámica.
Ás 20h Recital a cargo da orquestra Sintonía de Vigo.
Ás 21h Solemne procesión de San Telmo presidida polo Excmo. e Rvdmo. Bispo da Diocese Tui-Vigo. Ao rematar na Praza de San Fernando ofrenda floral a San Telmo na que a Coral da S.I. Catedral e a banda de Escola Naval Militar de Marín e a Banda de Música Popular de Tui interpretarán a Salve Mariñeira e o Himno a San Telmo.
Ás 23.30h Espectacular tirada de fotos de lucería, e ao finalizar actuación de novo da orquestra Sintonía de Vigo para pór o broche de ouro ás Festas de San Telmo 2012.

XL Descenso do Miño 2011

Este sábado terá lugar a 40ª edición do Descenso Internacional do Río Miño. Despois duns cantos anos de clara caída, en canto a afluencia de público, este ano parace que a organización tenta cambiar a tendencia e ten programado distintos actos para que a proba volte a ter o esplendor que nunca debeu perder. Haberá un descenso popular, concertos e un ata clásico que nunca falla en calquer acontecemento galego que queira ter éxito, unha festa gastronómica. Agardemos que a proba volte a ter o esplendor que nunca debeu perder.

O pregoeiro das Festas de San Telmo crea división en Tui

O nomeamento de Mario Conde, como pregoeiro das festas de San Telmo 2011, está creando unha división na sociedade tudense. Eu no seu día xa expresei a miña opinión cando o nomearon cofrade de honra, ten sorna a cousa, da Confraría do Bo Xantar de Tui. Neste caso a cousa aínda é máis grave xa que foi nomeado para ser preogeiro das festas de San Telmo 2011, festas na que se proxecta a imaxe do concello de Tui hacia o exterior. Preto de 500 persoas xa formaron un grupo no facebook contrario a que Mario Conde sexa pregoeiro das festas de San Telmo e estudan algún tipo de protesta para esté sábado pola tarde que será cando teña lugar a lectura do pregón.

4 Blogues interesantes sobre Tui

Hoxe achegámovos 4 blogues interesantes sobre Tui e arredores.

Tudensia: Novas, principalmente de caracter cultural sobre Tui e as súas xentes.

Valença / Tui Info: Novas sobre Tui e o concello veciño de Valença.

Asociación de veciños de Randufe: Blog da Asociación no que se da conta da súa actividades, incluso nun das súas últimas entradas se acusa ao alcalde de Tui de recibir unha subvención para a rehabilitación da Casa Escola e que nunca se chegou a realizar.

Intra Muros: Este é un blog de recente creación, pero moi interesante e que denuncia o estado de abandono a que esta sometida o que antes se coñecía como Zona Monumental de Tui e que agora debería chamarse simplemente zona vella.

A honra de Mario Conde

Non serei eu o que se opoña a reinserción social dos delincuentes pero de ahí darlle recoñecemento público dista un mundo. Todo isto ven a conto de que a Confraría do Bo Xantar de Tui, acaba de nombrar confrade de honra a Mario Conde, ex-delincuente reinsertado na sociedade grazas a xente como os de Intereconomía TV e que agora esta confraría de Tui acaba de darlle recoñecemento publico. Dándolle voltas ao asunto so atopo unha razón de peso pola que esta confraría gastronómica tudense pode homenaxear a este persoaxe, e é que foi un peixe gordo, escurridizo coma unha anguía pero ao final acobou no caldeiro. 

          Nestes tempos en que todos botamos as mans a cabeza cos casos de corrupción que aparecen ata debaixo das pedras, non podemos eludir a nosa responsabilidade. Creo que os cidadáns somos responsables, por exemplo, ao non facerlles pagar electoralmente aos partidos os casos de corrupcións que poidan aparecer, casos coma os de Marbella, por poñer un exemplo lonxano e que non fira sensibilidades, onde unha persoaxe coma Jesús Gil gañaba eleccións, a pesares do noxento tufo a podrido que soltaba, non lle fan ben a sociedade. Pouco ánimo se lle vai dar a un líder político de facer limpeza nun partido se sabe que aínda que non mova un dedo non vai a ter ningún coste electoral, e máis, se sigue poñendo como candidato a ese alcalde ou presidente de comunidade con carisma, aínda que sexa corrupto, vai sacar máis votos ca un político limpo pero que pouca xente coñece, e isto é responsabilidade nosa. Por iso mesmo penso que é responsabilidade nosa non enaltecer determinadas persoaxes con exemplos de conducta que son claramente perxudiciais para esta sociedade, por moi de Tui que sexa ou por moi coñecido que sexa. Calquer traballador honrado de Tui merece moito máis esta honra. ¿Qué exemplo lle estamos ofrecendo a nosa xuventude cando lle damos honra públicá a ex-delincuentes de semellante índole?

Efectos do temporal

Estamos a sufrir un dos invernos máis duros dos últimos anos, xa non lembro cantos temporais nos azoutaron, e aínda non sei se quedará algún máis.O certo e que estes fenomenos metereolóxicos adversos, para os que nos gusta a fotografía teñen o seu lado bó, xa que se poden captar imaxes pouco comúns como o Monte Aloia nevado ou o río Miño desbordado. Este último caso e o obxeto desta serie de fotografías, tomadas a pasada semana na ribeira de Caldelas. A este lugar téñolle un especial cariño xa que foron precisamente, unhas fotos sobre o desbordamento do Miño en Caldelas, a primeira galería de fotos que subín a Valdolouro.com alá polo ano 2001, cando eramos webmasters, en vez de blogueiros, as cámaras eran analóxicas e non dixitais, e tiñamos mais pelo e algo menos de bandullo.

Entroido 2010

Aínda non nos deu tempo a dixerir os turróns e xa nos atopamos inmersos no tempo de entroido. Dende este fin de semana ata o domingo día 21, que terá lugar en Tui o enterro do bacallau, a bisbarra de Valdolouro encherase de música, colorido e humor, para celebrar esta festa que é un anticipo da primavera. Este é o cartei dos actos que terán lugar en Salceda, para os vindeiros días. A información sobre o entroido de Tui poderedes atopala eiqui. A de O Porriño, se o novo goberno municipal ten a ben, poderá consultarse eiquí. Sen dúbida o entroido de O Porriño terá un atractivo especial, debido a recente moción de censura que será motivo de inspiración para moitos dos participantes. A programación do entroido de Mos, se alguén  e capaz de atopala na páxina web do concello, que teña a ben decirmo. Por certo, esta web, nos útlimos anos o único que cambiou foi o organigrama, pero se entrades nel, aínda se pode ver a Nidia Arevalo e os seus concellais coma membros do PPdeG, cando por culpa do pacto antitranfugismo, tiveron que darse de baixa do PP. Parece que a oposición tampoco entra moito nesta web, porque deste feito, non comentaron aínda nada.

Precisamente vendo vídeos do entroido da nosa bisbarra atopeime esta canle de Youtube na que se poden visionar interesantes vídeos sobre o concello de Salceda, entre o que se atopa este que poño a continuación do defile de carrozas do Castro Barreiro e A Feira do ano pasado. Sen dúbida recoméndovos que visionedes algúns dos vídeos desta canle, na que se pode facer un percorrido por distintos feitos e actividades do concello de Salceda nos ultimos meses. Noraboa ao seu responsable.

O lápiz do Sr. Melero

Non é un novo libro de Manolo Rivas, ainda que a historia daría para máis dun volumen. Cando eu ía ao colexio, os mestres non nos deixaban facer os exames e traballos importantes a lápiz, por medo a que se borrase ou puidese ser manipulado, se cadra cando o aparellador municipal de Tui estudaba, nunca lle aprenderon tal cousa, ¡bendita LOGSE! Hoxe, o periódico El Pais, publica un interesante artigo sobre as conductas do aparellador municipal de Tui que non ten desperdicio e está máis de actualidade ca nunca, con empadroamentos irregulares e traballo máis aló dos 65.

Este venres concerto especial dos Phantom Club en Tui

Estamos en plena conta atrás de cara ao concerto que este venres ofrecerá nos Phantom Club no Teatro Municipal de Tui. Os oito integrantes desta banda non estarán sós senón moi ben acompañados por artistas coma Ariel Rot, Andy Chago, Pablo Novoa e Claudio Gabis.
Este será un directo especial xa que servirá para gravar o seu segundo traballo discográfico titulado “Muchas noches, buenas gracias” no que de novo recorren ao xogo de palabras coma fixeran xa con “Funksiona” o seu primeiro disco do que venderon 2 mil copias.
Trátase dun proxecto ambicioso xa que inclúe 18 temas propios, nos que repasan a súa carreira que comezou precisamente cun concerto en Tui en 2002. O son deste directo será logo mesturado en Bos Aires e remasterizado en Los Ángeles, agardando que o resultado en formato DVD e CD poida estar no mercado en marzo de 2010.
O grupo promete que o concerto do próximo día 20 “será unha festa con ritmos moi variados que van do funky, ao rock, con hip hop, e rap con músicos en directo”. Con eles estarán tamén Nillo Nández, de Pacifico, o Puto Coke, e os rapeiros de Licor Kafé. En total en escena haberá catorce músicos. A apertura de portas terá lugar ás oito da tarde, e dende ese momento o público poderá compartir a previa ao concerto na cafetería que se instalará para a ocasión no vestíbulo da Área Panorámica. Alí poderán ollar unha exposición de 24 fotografías de concertos en directo realizadas pola viguesa Queca Juárez.
Phantom Club está formado por Frans Banfield (voz), Seilaesencia (voz), Brian Moure (bajo), Juanma Ons(guitarra), Charlie Hermida (guitarra), Vitorio (batería), Nata Estévez (saxo alto) e Sutta (sampler y voces).
Os integrantes de Phantom Club tiñan claro que este concerto queríano facer en Tui porque segundo explica Frans Banfield “o grupo naceu aquí hai sete anos, isto gústanos, é a nosa casa”. Mentres Charlie Hermida explica que “o traballo facémolo a pulmón” indicando que se encargan de todo o proceso xa que non teñen manager nin produtor nin editorial, feito polo que queren amosar o seu agradecemento tanto ao Concello de Tui comas as distintas empresas que lles apoian nesta aventura. Un agradecemento que queren facer extensivo a Javier Abreu que será o enxeñeiro de son no concerto, a Gus Abreu que se encarga da parte técnica, e a Víctor Coyote que deseñou a imaxe e que sempre lles ten apoiado incondicionalmente.
A cita é o venres ás 21.30h no Teatro Municipal de Tui. O concerto durará preto de 100 minutos, e por cuestións técnicas, haberá un descanso de 10 minutos. As entradas están xa á venda na web www.culturatui.info, ou pódense mercar o propio venres no despacho de billetes da Área Panorámica ao prezo de 5 e 3€.

Este sábado III Serán de San Martiño en Caldelas

Son de Seu actúa este venres en Tui

O Teatro Municipal de Tui inaugura mañá venres, 2 de outubro, a programación cultural de outono cun concerto da orquestra folk “Son de Seu” única das súas características en Galicia. A cita será ás 21.30h. As entradas son gratuítas até completar o aforamento, debendo retirarse dende ás 20h no despacho de billetes, cun máximo de dúas localidades por persoa.
Son de Seu creouse no ano 2000 no Conservatorio de Música Tradicional da Escola de Artes e Oficios de Vigo. Rodrigo Romaní dirixe aos 40 compoñentes desta agrupación que recrean o repertorio tradicional e de nova creación. O concerto é todo un espectáculo tanto pola interpretación coma pola coidada posta en escena. Nos seus concertos empregan instrumentos construídos na súa maioría no propio país por artesáns mesmo pertencentes á propia orquestra e arranxos contemporáneos na liña do xa clásico folk galego producidos en exclusiva para a formación polos profesores das aulas do conservatorio, todos eles con longa traxectoria no estilo.
Son de Seu é a primeira agrupación destas características en España e unha das primeiras en Europa. Arestora forman parte dunha organización europea entre cuxos obxectivos está formar outras orquestras similares noutros países da UE.
No concerto que mañá venres van ofrecer no Teatro Municipal de Tui os membros de Son de Seu van dalo todo no escenario, sen estar constriñidos pola pauta dun director xa que os propios músico plantean a dinámica en escena. O son que se poderá escoitar é o máis puro posible, xa que empregarán a máis mínima expresión de amplificación. Buscarán meter ao espectador no ambiente musical da orquestra. A cita será ás 21.30h.

Conta atrás para as festas da Rocha 2009

Xa só quedan dous días para que comencen as Festas da Rocha 2009 en Caldelas de Tui. Será de novo unha boa ocasión para vell@s e nov@s amig@s se xunten arredor dunha empanada, unhas cuncas de viño e unha boa queimada. E como xa ben sendo tradición poderás tomar unha copa nalgún dos chiringuitos que se van a montar (din que este ano haberá máis ca nunca), ver a señora Palmira como bota uns bailes aos seus 107 anos, para incredulidade de todos, e escoitar, como xa casi unha tradición, o último pase da orquesta América. E este ano coma novedade poderás invitar a festa aos teus amigos do facebook.

Este sábado feria de antigüedades en Tui

Este sábado a partires das 11 da mañán terá lugar en Tui unha nova feira de antigüedades no Paseo da Corredoira. Esta actividade está enmarcada dentro da campaña "Vida nas Rúas" que durante este verán están organizando a asociación de empresarios e comerciantes de Tui, ACITUI. Está feira de antigüedades preténdese levar a cabo ao longo de todo o ano e terá lugar o terceiro sábado de cada mes. Así mesmo, e como complemento a dita actividade, haberá unha concentración e exposición de automóbiles clásicos. O sábado estarán expostos no Paseo da Corredoira e o domingo farán un tour turístico polas rúas da cidade.

X Noite Internacional do Miño este martes en Rebordáns

O Parque do Laxal en Rebordáns acolle mañá martes, 28 de xullo, ás 21h a X Noite Internacional do Miño. É unha co folclore protagonizado este ano polos bailes e música de Europa do Leste e de México que organiza a Escola de Música e Baile “San Fins” de Rebordáns. Esta cita, xa consolidada, foi presentada esta mañá na Casa do Concello de Tui onde Roberto Rocha e Félix González, membros da organización, deron conta dos pormenores deste Festival respaldados polo Alcalde, Antonio Fernández Rocha, e polo Concelleiro de Cultura. A décima edición da Noite Internacional do Miño presentará este ano por unha parte o folclore de Europa do Leste representado polos grupos Folklore Ensemble Rosénka da República Checa, National Ensemble “Georgian Folklore” de Xeorxia, Ballet Folclórico da Universidade de Colima de México, e o Folk Group Salduve de Lituania. Así por una parte os grupos da Europa do Leste presentarán un folclore moi rico na parte musical con instrumentos nada habituais coma o clavicornio que empregará o grupo checo, e con traxes moi coridos no caso de Lituania e Xeorxia. Mentres o grupo da Universidade de Colima é un dos máis importantes de México onde destaca o acompañamento musical integrado por sete violíns, dous contrabaixos e dúas trompetas, e con traxes cheos de cor, segundo explicou Roberto Rocha. O Concelleiro de Cultura, Moisés Rodríguez, felicitou a Escola de Música e Baile “San Fins” por este dez ano de Festival que se fixo xa un nome non só en Galicia senón tamén a nivel internacional. Unha felicitación na que abondou o Alcalde, Antonio Fernández Rocha, e que fixo extensiva a todo o traballo realizado na Asociación Cultural “San Fins” de Rebordáns, onde dicía, teñen un viveiro de xente nova traballando nos distintos grupos. Nestes dez anos de Noite Internacional teñen pasado polo Parque do Laxal e Rebordáns máis de 40 grupos dos cinco continentes que suman máis de 1.200 músico e bailaríns. Mañá volverán ofrecer unha cita de calidade co folclore máis internacional.

A Radio Municipal de Tui en internet durante o mes de xullo

Dende hoxe 1 de xullo é posible escoitar a Radio Municipal de Tui a través de internet. Isto é así grazas a colaboración establecida coa Conectatparty que se vai celebrar do 16 ao 19 de xullo no Pavillón de Sobrada, en Tomiño. Deste xeito a RMT é accesible dende calquera ordenador con conexión a internet a través da páxina web www.conectateparty.org ou www.conectatparty.org durante todo o mes de xullo. Para iso só é preciso clickar no enlace que está accesible no sitio web.Este salto á rede era moi demandado polos oíntes da emisora municipal tudense, sobre todos por aqueles que se atopan no estranxeiro, ou noutros puntos de España onde non chega a cobertura por ondas. Así dende a súa posta en marcha en internet rexistráronse xa conexións dende Londres, Irlanda, Barcelona, Madrid, A Coruña, ou Santiago de Compostela. Isto permitirá ademáis que en moitas oficinas onde carecen de receptor de radio poidan seguir a programación da RMT ao través do ordenador.

¿Para que sirve a web do concello de Tui?

Un dos acontecementos máis importantes que se celebran estes día na nosa bisbarra son as festas de San Telmo de Tui, iso si, cada vez máis devaluadas nestes últimos anos coa desaparición da FAIM, un dos buques insignias destas festas e que nestes pasados anos xa era unha simple caricatura do que foi; coa Festa da Meixón da que o Concello se desentendeu e que foi organizada este ano por veciños de Randufe e todo isto aínda se agravará nos vindeiros anos coa construcción do novo centro de saúde no aparcadoiro da Area Panorámica. Voltando ao tema deste artigo ,se alguen tenta buscar información sobre a programación de festas de San Telmo deste ano, o primeiro sitio que se lle ocurre e ir a web oficial do Concello de Tui, sendo como son, e a pesares do dito anteriormente, un dos eventos máis importantes que se celebran en Tui ao longo do ano. Pois facede a proba ide a web do concello de Tui e vede canta información podedes obter das festas de San Telmo 2009. Realmente lamentable.