Conta atrás para as festas da Rocha 2009

Xa só quedan dous días para que comencen as Festas da Rocha 2009 en Caldelas de Tui. Será de novo unha boa ocasión para vell@s e nov@s amig@s se xunten arredor dunha empanada, unhas cuncas de viño e unha boa queimada. E como xa ben sendo tradición poderás tomar unha copa nalgún dos chiringuitos que se van a montar (din que este ano haberá máis ca nunca), ver a señora Palmira como bota uns bailes aos seus 107 anos, para incredulidade de todos, e escoitar, como xa casi unha tradición, o último pase da orquesta América. E este ano coma novedade poderás invitar a festa aos teus amigos do facebook.

Este sábado feria de antigüedades en Tui

Este sábado a partires das 11 da mañán terá lugar en Tui unha nova feira de antigüedades no Paseo da Corredoira. Esta actividade está enmarcada dentro da campaña "Vida nas Rúas" que durante este verán están organizando a asociación de empresarios e comerciantes de Tui, ACITUI. Está feira de antigüedades preténdese levar a cabo ao longo de todo o ano e terá lugar o terceiro sábado de cada mes. Así mesmo, e como complemento a dita actividade, haberá unha concentración e exposición de automóbiles clásicos. O sábado estarán expostos no Paseo da Corredoira e o domingo farán un tour turístico polas rúas da cidade.

Budiño celebra este fin de semana a festividade de San Salvador

Esta fin de semana a parroquia porriñesa de San Salvador de Budiño celebra a festividade de seu patrón. O día forte será o sábado coa actuación de tres grupos folk galegos no torreiro de festas da Forna. O domingo na igrexa parroquial haberá misa solemne cantada pola Coral da A. C. A Forna e pasarrúas a cargo da Banda de Música Municipal de O Porriño. Estás festas están organizadas pola Asociación Cultural A Forna.

V Curso Internacional Semana Musical de Salceda

O pasado luns presentouse no Concello de Salceda de Caselas o V Curso Internacional Semana Musical, organizado pola Asociación Amigos da Música e pola Banda Cultural de Salceda. No acto de presentación estiveron presentes o alcalde de Salceda, Marcos Besada, a Concelleira de Cultura, Teresa Pérez, e o secretario da Asociación Amigos da Música, Santiago Lorenzo.

A Semana Musical compaxina os cursos cos concertos a cargo dos mestres. Nesta ocasión o listón dos mestres que acuden segue subindo, conseguindo traer ao mellor de cada especialidade:
- Gomalan Brass (Grupo de cámara de Italia): este grupo ofrecerá un recital o martes 4 de agosto. Combinan a música coa representación, case teatral, ofrecendo concertos divertidos e amenos.

- Rex Martin (Profesor da Northwestern University of Chicago – EEUU): Impartirá a especialidade de Tuba. Forma parte tamén da facultade de Ticino Musica en Lugano (Suiza). Ofrecerá un concerto o mércores 5 de agosto.
- Ko-ichiro Yamamoto (Trombón principal nas orquestras Seattle Symphony e Saito Kinen – Xapón): Impartirá a especialidade de trombón. É un dos trombonistas xaponeses máis importantes, e foi tamén trombonista na Metropolitan Opera Orchestra de New York durante 10 temporadas. A súa discografía inclúe “Proof”, “Family Tree” e Trombone Concerto”. Ko-ichiro é ademáis Yamaha Performing Artist dende 2008. Ofrecerá un concerto o xoves 6 de agosto.
- Allen Vizzutti (Profesor de trompeta na University of Washington School of Music): impartirá a especialidade de trompeta. Ten unha extensa axenda con invitacións a universidades de toda Norteamérica, Europa, Xapón e Australia. Durante os 80, Allen realizou máis de 100 grabacións de bandas sonoras de películas como “Regreso al futuro”e “Star Treck”, e actuou en shows de televisión con artistas como Frank Sinatra, Barbra Streisand ou Prince. Ofrecerá un concerto o venres 7 de agosto.
- Yeuda Gilad (Profesor de clarinete na University of Southern California e no Colbum School of Music): Impartirá a especialidade de clarinete.
O curso conta con uns cen alumnos e alumnas entre activos e oíntes, chegados de toda a xeografía española, portuguesa, europea e incluso norteamericana. As plazas están totalmente cubertas, con algunhas especialidades que cubriron as plazas xa no primeiro día de matrícula. Moitos dos alumnos repiten experiencia, e outros acuden ao curso por primeira vez.
A clausura do curso será o sábado 8 de agosto con recitais de grupos formados polos alumnos, e co concerto de A Roda a partir das doce da noite na Praza do Concello.
Santiago Lorenzo fixo fincapé na rapidez con que se cubriron as prazas, polo que as expectativas do curso son moi altas. Así mesmo, sinalou que como en anos anteriores os alumnos e alumnas que o desexen poderán hospedarse gratuitamente no albergue que habilitarán no ximnasio do Colexio Altamira coa colaboración da Brilat.
Marcos Besada, alcalde de Salceda, quixo empregar a frase “Dende Salceda para o mundo e dende o mundo para Salceda” para definir o curso internacional de música. Loou a organización da banda Cultural de Salceda, sempre disposta a ofrecer a súa hospitalidade a mestres e alumnado. Lembrou como, ano tras ano, os asistentes ao curso sorprendense de que un pobo pequeno como Salceda sexa capaz de organizar un curso destas características, e que ademáis sexa unha asociación a encargada de facelo. O alcalde púxose a total disposición da banda de Salceda todo o preciso para levar o curso a bo término.

X Noite Internacional do Miño este martes en Rebordáns

O Parque do Laxal en Rebordáns acolle mañá martes, 28 de xullo, ás 21h a X Noite Internacional do Miño. É unha co folclore protagonizado este ano polos bailes e música de Europa do Leste e de México que organiza a Escola de Música e Baile “San Fins” de Rebordáns. Esta cita, xa consolidada, foi presentada esta mañá na Casa do Concello de Tui onde Roberto Rocha e Félix González, membros da organización, deron conta dos pormenores deste Festival respaldados polo Alcalde, Antonio Fernández Rocha, e polo Concelleiro de Cultura. A décima edición da Noite Internacional do Miño presentará este ano por unha parte o folclore de Europa do Leste representado polos grupos Folklore Ensemble Rosénka da República Checa, National Ensemble “Georgian Folklore” de Xeorxia, Ballet Folclórico da Universidade de Colima de México, e o Folk Group Salduve de Lituania. Así por una parte os grupos da Europa do Leste presentarán un folclore moi rico na parte musical con instrumentos nada habituais coma o clavicornio que empregará o grupo checo, e con traxes moi coridos no caso de Lituania e Xeorxia. Mentres o grupo da Universidade de Colima é un dos máis importantes de México onde destaca o acompañamento musical integrado por sete violíns, dous contrabaixos e dúas trompetas, e con traxes cheos de cor, segundo explicou Roberto Rocha. O Concelleiro de Cultura, Moisés Rodríguez, felicitou a Escola de Música e Baile “San Fins” por este dez ano de Festival que se fixo xa un nome non só en Galicia senón tamén a nivel internacional. Unha felicitación na que abondou o Alcalde, Antonio Fernández Rocha, e que fixo extensiva a todo o traballo realizado na Asociación Cultural “San Fins” de Rebordáns, onde dicía, teñen un viveiro de xente nova traballando nos distintos grupos. Nestes dez anos de Noite Internacional teñen pasado polo Parque do Laxal e Rebordáns máis de 40 grupos dos cinco continentes que suman máis de 1.200 músico e bailaríns. Mañá volverán ofrecer unha cita de calidade co folclore máis internacional.

Verán cultural de Salceda de Caselas

A Concellaría de Cultura do Concello de Salceda de Caselas ven de presentar a súa programación de verán para este mes de xullo, programación que comezará mañá venres e que se extenderá ata o venres 17 de xullo, enlazando así coas Festas do Cristo, a celebrar o 18, 19 e 20 de xullo. Teresa Pérez, Concelleira de Cultura, destacou a variedade da programación, con actos que pasan por teatro, baile, música, monólogos, programación infantil... considerando que estamos ante unha programación que cubre a todos os públicos e a todos os gustos. Os actos desenrolaranse na Praza do Concello, no Auditorio Municipal e no Parque Raíña Aragonta; tres escenarios idóneos para este tipo de actos. Entre o ciclo cultural e as festas estamos a falar de un presuposto que ronda os 90.000 €, dos cales uns 60.000 son aportados directamente polo Concello, e os 30.000 restantes pola Consellería de Cultura da Xunta de Galicia, a Deputación Provincial, Caixanova e Caixa Galicia. A Concelleira quixo destacar as ineludibles citas como son o Certame de Bandas de Música, que vai xa pola XVIII edición ou a Festa da Muiñeira, citas moi esperadas polo público. Así mesmo, agradeceu a asistencia de veciños e forasteiros, manifestando a satisfacción que produce ver como cada día os actos programados contan con grande asistencia de público.
Pola súa parte o alcalde, Marcos Besada, reiterou o agradecemento ás diferentes institucións e entidades financieiras que colaboran co ciclo, e convidou aos veciños e veciñas a participar dos actos e a desfrutar dos días de festa.

ACTOS PROGRAMADOS
VENRES 3:
20:30 Inauguración da exposición “Anacos da terra” de Kike Corbacho
Auditorio Municipal
22:30 Grupo de playbacks Xunco (Parderrubias)
Praza do Concello

SÁBADO 4:
21:30 Aula Municipal de Teatro Infantil
Auditorio Municipal

LUNS 6:
22:30 Grupo de playbacks de Soutelo
Praza do Concello

MARTES 7:
22:30 Grupo de playbacks O Coto (Budiño)
Praza do Concello

MÉRCORES 8:
23:00 Cine na Rúa: “Mamma Mía!”
Parque Raíña Aragonta

XOVES 9:
22:30 II Certame de corais:
- Orfeón Condado Paradanta
- Coral de Santa María de Salceda
- Coro Polifónico de Entenza
Praza do Concello

VENRES 10:
21:30 XVIII Certame de bandas de música:
- Banda de Música Unión Musical de Ponteledesma
- Banda de Música de Santa Cruz de Ribadulla
- Banda de Música Cultural de Salceda de Caselas
Presenta: Beti Rei
Praza do Concello

SÁBADO 11:
22:30 Concerto folk: Tarxa
Praza do Concello

DOMINGO 12:
20:00 Xogos para nenos con Rivel Animación
Parque Raíña Aragonta

LUNS 13:
23:00 Cine na Rúa: “Kung Fu Panda”
Parque Raíña Aragonta

MARTES 14:
22:30 Concerto folk: Avelaíña
Praza do Concello

MÉRCORES 15:
A NOITE DAS CULTURAS
22:00 Ballet folclórico Monterrey (México)
23:00 Escola de samba Zumbón: batukada e capoeira
Praza do Concello

XOVES 16:
17:00 Día do neno: hinchables, festa da espuma…
Praza do Concello
21:30 Aula Municipal de Teatro de Adultos
Auditorio Municipal
23:00 Cándido Pazó: “O falar non ten cancelas”
Parque Raíña Aragonta

VENRES 17:
CULTURA EN RUTA
18:00 Pasarrúas dun grupo de gaitas
19:00 Espectáculo infantil: “dous paiasos en apuros”
Praza do Concello
21:15 Concerto pop-rock
22:30 Música galega: Brath

SÁBADO 18:
20:00 Festival da muiñeira
Parque Raíña Aragonta
Verbena con Millenium e Magos de España

DOMINGO 19:
12:00 Misa de campaña cantada pola Coral de Santa María de Salceda
Praza do Concello
13:00 e 21:00 Concertos da Banda de Música Cultural de Salceda de Caselas
Praza do Concello
Verbena con Miramar e Emperadores

LUNS 20:
19:00 Partidos de fútbol amistosos masculino e femenino: Salceda – Salvaterra
Campo de fútbol Municipal da Gándara
Verbena con Panamá e Nueva Generación
Praza do Concello

A Radio Municipal de Tui en internet durante o mes de xullo

Dende hoxe 1 de xullo é posible escoitar a Radio Municipal de Tui a través de internet. Isto é así grazas a colaboración establecida coa Conectatparty que se vai celebrar do 16 ao 19 de xullo no Pavillón de Sobrada, en Tomiño. Deste xeito a RMT é accesible dende calquera ordenador con conexión a internet a través da páxina web www.conectateparty.org ou www.conectatparty.org durante todo o mes de xullo. Para iso só é preciso clickar no enlace que está accesible no sitio web.Este salto á rede era moi demandado polos oíntes da emisora municipal tudense, sobre todos por aqueles que se atopan no estranxeiro, ou noutros puntos de España onde non chega a cobertura por ondas. Así dende a súa posta en marcha en internet rexistráronse xa conexións dende Londres, Irlanda, Barcelona, Madrid, A Coruña, ou Santiago de Compostela. Isto permitirá ademáis que en moitas oficinas onde carecen de receptor de radio poidan seguir a programación da RMT ao través do ordenador.

Audición fin de curso da Escola de Música de Salceda

O próximo sábado 27 de Xuño ás 20:30 Horas no Auditorio Municipal de Salceda de Caselas, celebrarase a audición fin de curso da Escola de Música de Salceda. Nela poderase ver o traballo realizado por todos os alumnos que forman parte da escola, dende os alumnos de música e movemento, onde os mais pequenos teñen 4 anos de idade, pasando polos que están a perfeccionar o estudio do seu instrumento para mellorar a calidade da Banda de Música Cultural de Salceda de Caselas e en moitos casos preparandose para vivir profesionalmente da música, ata os alumnos que aprenden a tocar un instrumento por aficción no que non hai límite de idade, este é o caso dos alumnos de gaita, acordeón, guitarra, percusión africana e baile de salón.
A Audición estará chea de sorpresas e presentada de unnha forma dinámica na que todo o público pasará un rato moi agradable.

IX Festa do Polo Asado en Salceda

Abraham Olano estará en Salceda na II Marcha Cicloturista Raiña Aragonta

Este fin de semana Salceda contará coa presencia do ex-campión do mundo de ciclismo Abraham Olano. Olano participará na II Marcha Cicloturista Raiña Aragonta organizada polo clube ciclista do mesmo nome. O sábado haberá unha gala homenaxe e o domingo será a proba. Estes son os carteis e o vídeo promocional da mesma.