Festas San Brais 2007 (Fotos)

O pasado luns remataron as Festas de San Brais de Budiño. O día grande foi o día 3 cando centos de persoas, se achegaron ao barrio do Casal, onde está a Capela do santo, para asistir a misa e a posterior procesión, así como a bendición do pan e das rosquillas. Pola tarde tamén se celebrou o tradicional desfile de ramos, ata o recinto de festas da Forna. Non faltaron tampouco: as rosquillas, o pulpo, o viño, as bandas de música, as orquestras, os fogos artificiais, a familia, os amigos, as lembranzas, a nostalxia, os budiñeses exiliados, os forasteiros adoptados e os compoñentes do dúo "Choiva e Frío", por sorte este ano so actuou o frío. Estas son algunhas fotos.

Festas de San Brais 2007

Mañán venres comenzan en Budiño, as festas de San Brais 2007.Son unha das primeiras festas do ano na nosa bisbarra. Nestas festas de San Brais de Budiño mantense unha tradición que antes era moi común en tódalas festas que é o desfile de ramos, espadanas e andores. Pouco a pouco esta tradición foise perdendo noutras festas o que fai que moita xente dos pobos dos arredores veñan a ver este desfile que aos máis vellos lles fai lembrar outros tempos. Se queres coñece-la programación completa deste ano, fai click eiquí.

Web da Comparsa Colores

Como decía no anterior artigo deste blog, na maioría das veces os nosos políticos van a remolque do pobo. Como mostra, outro botón, neste caso é unha nova páxina web feita na nosa bisbarra, trátase da web oficial da Comparsa Colores. A comparsa naceu alá polo ano 94, e nestes 12 anos fíxose moi coñecida nos entroidos da nosa bisbarra e arredores. Algúns dirán que non sigue a tradición do entroido galego, pero sexa como sexa, non pasa inadvertida para os que algunha vez os vimos desfilar polas nosas rúas.
Aproveito o artigo para lembrar que tamén hai unha páxina sobre o Carnaval do Castro Barreiro, un dos dous barrios que organizan un dos mellores entroidos da bisbarra, o Entroido de Salceda.

A internet na nosa bisbarra

Sempre é interesante atoparse cunha nova páxina feita na nosa bisbarra neste caso trátase de un blog sobre Caldelas de Miño. Nel faise un pequeno repaso a historia de Caldelas e algunas noticias que van xurdindo no pobo, especialmente actos culturais.
Nisto da internet pasa coma na vida real, o pobo sempre vai máis adiantado cos políticos. Se buscamos pola rede, atopamos unha cantas páxinas feitas nos nosos concellos por persoas que adican parte do seu tempo a colgar na rede cousas interesantes que se fan na nosa bisbarra, e en cambio, a situación das páxinas oficiáis dos nosos concellos é lamentable. O de Mos carece de web oficial, o de O Porriño é coma si non a tivera, a de Salceda, moi ambiciosa pero escasa de contidos e a de Tui recentemente remodelada pero pouco útil para os veciños.
¿Custaría moito facer unha páxina nas que aparecesen os bandos actualizados, unha axenda de actividades culturais, deportivas, etc. organizadas polo concello, un listado cos documentos a presentar, para realizar determinados trámites, permisos, licenzas, etc. para poder levalos cubertos da casa con todos o papeis necesarios e asi evitar perdas de tempo inútiles?, e xa non digo poder xestionar trámites por internet, que a estas alturas do século XXI aínda me parece utópico para os nosos concellos. Quitando esta última parte, ter a páxina actualizada non suporía para os concellos, máis de 3 horas de dedicación diaria dunha persoa cuns coñecementos informáticos normáis.
Postos a soñar que bonito sería ter todo o concello conectado por WiFi e darlle así nos fuciños as empresas de telefonía que tan mal nos tratan os usuarios, se Salvaterra e Ponteareas o fixeron ¿por qué non poden facelo os outros concellos?
Coma sempre, teremos que ser os usuarios os que nos organicemos e movamos os fios e logo eles apuntaranse ó carro. ¿Será que ós nosos políticos non lles interesa ter uns veciños informados?

Queimar graxas

Despois das abundantes comidas destas datas, chegan coma cada ano un par de actividades para queimar ese exceso de graxas acumuladas. Por un lado estan a tradicionáis rebaixas de inverno que a máis de un nos fan suar en frío e por outra banda XIV Camiño do Requesón, que está a piques de ser xa casi tan tradicional coma as propias rebaixas. Este ano contará coa participación do primeiro equipo profesional galego de ciclismo, o Karpin Galicia e o virtual gañador do Tour de Francia, oscar Pereiro, ademáis prometen que cada participante prantará unha árbore para loitar contra deforestación de Galicia. A proba terá lugar este domingo dia 14 de xaneiro nos montes das Neves.

Noite de reis

Esta é unha noite máxica para miles de nenos galegos. Prácticamente iso é o pouco que perdura dun dos días máis ledos do nadal galego e que pouco a pouco está pasando desapercibido. Xa ninguén vai polas casas a cantar o reis, é máis, hoxe en día hai xente que xa non o celebra. Sen dúbida o globalizador Papá Noel está acabando con todo isto. Nin que decir ten que xa ninguén celebra o día de San Amaro como remate das festas do nadal. Menos mal que se están a recuperar algunhas rondallas como as de Atios e Pontellas. Eu este ano voulle pedir aos reis que nos axuden a valorar o noso, que estemos orgullosos da nosa xente e das nosas costumes que son as que nos manteñen unidos os nosos antergos.

Bo Nadal e que perduren as tradicións

Nestas datas que todo son bos desexos, eu tamén quero desexarvos a todos un bo nadal e un próspero ano, e revindicar dende estas páxinas o bacalao con coliflor e a festa de Reis que con tanto "cordero lechal" e "papá noeles" estamos perdendo as nosas tradicións. Xa nin falar de ler a témporas, unha tradición que de pequeno facíamos en noiteboa na casa de meus avós e que agora nadie lembra, o mesmo que ir a cantar os reis, serán cousas do progreso. Eu de momento pedinlle unha nova cámara de fotos aos reis, que a miña xa finou e agora teño que sacalas con cámaras prestadas, algo é algo. As seguintes están tomadas en Entenza polos arredores do Espicho do Faro.

Historia y vivencias de Caldelas de Tui

Este é o título do libro que publicou recentemente un veciño de Caldelas, José Benito Diz. Nel fai un repaso pola historia e anécdotas de Caldelas de Tui, así como unha selección de fotos históricas. Foi o froito dunha longa investigación por archivos históricos e entrevistas con persoaxes con moita historia, coma a señora Palmira, que con máis de 100 anos, amósanos tódolos anos nas festas da Rocha, da boa saude, física e mental, da que goza. O libro pódese mercar no Balneario de Caldelas, na Copisteria Sernel de Salceda de Caselas ou falando directamente co seu autor. O prezo é de 10 euros co que o seu autor espera sufragar os gastos de edición. Podes ver máis fotos antigas de Caldelas facendo clik na imaxen ou na sección Fotografías Valdolouro.

X Festa dos Cogumelos de Entenza

A pasada fin de semán tivo lugar a X Festa dos cogumelos de Entenza. O sábado a tarde, a pesares das condicións atmosféricas, arredor de 50 persoas acudiron o casa cultural para a posterior saída ao monte en busca de cogumelos para a exposición. O domingo tivo lugar a degustación de cogumelos e champiñóns, preparados ao natural, con nata ou en empanada. Nos tamén acudimos e tomamos algunhas fotos para que poidades velas.

Voltamos outra vez

Despois dun ano moi axetreado que nos impediu manter a páxina toda o actualizada que quixéramos, voltamos con máis ilusión que nunca. Este último mes estivemos na Arxentina, onde poidemos comprobar que, hai xente moi lonxe de eiquí que quere e se lembra desta Terra, moito máis que algúns de nós.Tamén tivemos tempo de coñecer a amigos como Horacio, bailarín da Agrupación Folklórica Baixo Miño, co que mantivemos unha conversa,breve pero intensa (xa quedamos citados para dentro de 2 anos en Galicia), lástima que non poidésemos asistir ao festival deste sábado.
Para esta fin de semán temos un par de notas na nosa axenda e as dúas para Salceda. Mañán venres 17, ás 7 da tarde terá lugar a inauguración da nova casa do concello de Salceda. O sábado 18 e domingo 19 terá lugar en Entenza a X Festa dos Cogumelos. O sábado ás 15:30 terá lugar a saida o monte e o domingo poderáse visitar a exposición dos cogumelos recollidos o día anterior e a partires das 11:30 da mañan e despois de que lea o pregón Rubén Cela Diez, Director Xeral de Mocidade, terá lugar a degustación popular de cogumelos. Os actos terán lugar na Casa Escola de Entenza, e están organizados pola Asociación de Xóvenes A Turonia.