ValdoLouro

San Brais de Budiño

2012-02-01T20:46:00.000+01:00

As festas de San Brais de Budiño son, xunto con entroido, as festas máis importantes que se celebran no inverno no Valdolouro. Estas festas teñen lugar na parroquia porriñesa de San Salvador de Budiño. É unha tradición de moitísimos anos, tantos que é difícil saber en que data escomenzaron a celebrarse. Da capela de San Antonio, que é onde se atopa a imaxe de San Brais, xa se ten constancia da súa existencia dende o ano 1528. Cada ano, un dos 6 barrios que forman a parroquia de San Salvador de Budiño é o encargado de organizar as festas. Os barrios son Mosteiro, Chan-Casal, Orbenlle-Cerquido, Vaquería, Vitureira e Cruz; sendo este o orden polo que organizan as festas. Antigamente as festas celebrábanse no recinto situado frente a Capela, pero, dende xa fai algúns anos, debido a falta de espacio, cada comisión de festas elixe o recinto que considera máis apropiado, sendo o recinto de A Forna, o elexido pola maioría das comisións para celebrar alí as súas festas. Os actos relixiosos séguense celebrando na capela de San Antonio, no barrio do Casal. Hai unha tradición que fai peculiares estaas festas e é o desfile de ramos, espadanas e andores. Segundo contan os máis vellos do lugar, este desfile formaba parte de cáseque tódalas festas dos arredores, pero pouco a pouco, esta tradición foise perdendo, sendo o de San Brais, o único desfile deste tipo que pervive, ao menos pola bisbarra. Os ramos son ramas de loureiro adornadas con coloridas frores de papel, monecas e roscóns. As espadanas e os andores son triángulos de madeira, forrados con tela e tamén adornados con frores, monecas e roscóns. A diferencia entre as espadanas e os andores é que as espadanas teñen unha soa cara es os andores constan de tres caraas triangulares, con forma de pirámide. Estás frores danlle un colorido excepcional ao desfile, anticipo dunha ansiada primavera aínda por vir. A chegada ao recinto de festas os roscóns eran subastados entre a xente que alí se atope. Un dos ramos é reservado para entregarllo o último día das festas a comisión entrante, encargada de organizar as festas o vindeiro ano.

Festas de San Brais 2012 en Budiño

2012-01-31T20:10:00.000+01:00

Cabalgata de Reis en Salceda

2011-12-30T10:09:00.001+01:00

Outono no Valdolouro

2011-12-14T00:53:00.000+01:00

Xornadas de conciencia ecolóxica en Salceda

2011-10-24T23:50:00.001+02:00

As IV Xornadas de Conciencia Ecolóxica celebradas os pasados 22 e 23 de outubro en Salceda de Caselas obtiveron un éxito moderado para os socios da Treze-Catorze, Asociación Ecoloxista organizadora das Xornadas.“Cada ano acude máis xente ás Xornadas, tanto do noso pobo como dos concellos próximos”, afirma un vogal da asociación.A novidade deste ano foi o apadriñamento dun treito do río Caselas e a realización da primeira das análises periódicas que a asociación fará de aquí en diante. A Asociación conclúe que hai “boa calidade de augas no río, mais unha perda importante de biodiversidade no bosque de ribeira, destacando na flora a forte presenza de especies alóctonas invasoras”. Ao longo da fin de semana pasaron preto de duascentas persoas polo auditorio municipal.

IV Xornadas de Conciencia Ecolóxica en Salceda

2011-10-19T22:23:00.000+02:00

Os vindeiros 22 e 23 de outubro no auditorio municipal de Salceda de Caselas celebraranse as IV Xornadas de Conciencia Ecolóxica. A Asociación Ecoloxista Treze-Catorze, organizadora das catro edicións, bota man da experiencia e ofrece conferencias sobre pinturas ecolóxicas, o tratamento do solo na agricultura e a función das cooperativas de consumo. Ademais, haberá cinema, obradoiros de reciclaxe para nenos e unha visita guiada ás instalacións dunha empresa produtora de abonos orgánicos.En colaboración co Proxecto Ríos (Adega), a ACDE Treze-Catorze vai apadriñar un tramo do río Caselas co fin de ocuparse da súa custodia a través de análises periódicas. Con este acto arrancarán as xornadas o sábado a partires das 10:30h.

Exposición de María Soto en Salceda de Caselas

2011-10-07T17:46:00.000+02:00

Unha nova exposición acaba de ser inaugurada na Casa da Cultura Alfonso daniel Rodríguez Castelao de Salceda de Caselas. Neste caso trátase dunha colección de María Soto, nacida en Ribadavia e afincada en Vigo, que expón por vez primeira en Salceda de Caselas. María conta con unha longa traxectoria de estudio en arte e restauración en Santiago de Compostela e en Vigo. Precisamente na súa cidade de residencia ten un taller de pintura e manualidades para nenos e maiores. Nos seus cadros utiliza cores acrílicas e óleos moi chamativos, con resultados impactantes e moi coloristas. Dende que a Casa de Cultura Alfonso Daniel Rodríguez Castelao se inaugurou una primavera do pasado ano, máis de 20 exposicións levan pasado xa pola mesma, contando con mostras de fotografía, pintura, concienciación medioambiental, escultura… Teresa Pérez, Concelleira de Cultura, lembra unha vez máis que a sala de exposicións está aberta a todo aquel que queira amosar os seus traballos, xa sexa de Salceda ou de outro Concello. “Queremos un espazo dinámico onde continuamente se renoven as exposicións e se convirta nun espazo de referencia para os e as salcedenses, como realmente está xa a acontecer”.

II Festa Gastronómica do Corzo este domingo en Salceda

2011-10-06T22:03:00.002+02:00

1000 racións desta preciada carne prepararanse este domingo en Salceda, na II Festa Gastronómica do Corzo organizada pola Asociación Xuvenil Entroido de Salceda de Caselas. A festa terá lugar este domingo día 9 de outubro no torreiro das Festas da Virxe da Concepción ao lado da igrexa parroquial Sta. María de Salceda. A festa contará coa actuación de varios grupos durante toda a xornada, ademáis poderase presenciar en directo o proceso de cociñado e elaboración deste exquisito prato. Tamén haberá servicio de bar e xamón asado para os que non lles guste a carne de Corzo.

IV Limpeza simultánea de ríos

2011-10-04T23:33:00.000+02:00

O pasado Domingo 2 de Outubro a Asociación Treze Catorze levou a cabo a IV Limpeza Simultánea de Ríos, colaborando co Proxecto Ríos (quen organiza este día de Limpeza Simultánea en numerosos concellos de Galicia dende o ano 2008).14 voluntarios e voluntarias saíron ao Río Caselas para recoller o lixo que atenta contra a riqueza do principal río de Salceda. Un total de 80 quilogramos de refugallos foron extraídos.A Asociación Treze Catorze considera a actividade un éxito e anima a participar en vindeiras edicións para recoller ese lixo que acaba coa biodiversidade e beleza do Río Caselas.A nota positiva da xornada, segundo os organizadores, é que cada ano que pasa, o río está cada vez máis limpo. Sen embargo, como nota negativa destacan que segue habendo moito lixo que recoller. De ahí a necesidade de concienciar á veciñanza: axudar a manter un bo estado de conservación nos ecosistemas fluviais e facerlle ver que as pequenas accións valen moito.Por este motivo, a Asociación Treze Catorze vai dar un paso máis, e próximamente vai “apadrinar” un treito do Río Caselas. Acto simbólico no que a asociación se compromete a velar pola calidade das augas e a conservación dos ecosistemas nese treito de río

O concello de Salceda realiza melloras nos colexios

2011-09-21T22:38:00.001+02:00

O Concello de Salceda de Caselas, ao traverso da Concellaría de Ensino que dirixe Tere Pérez realizou importantes obras de mellora nos centros escolares do municipio. Así, no CRA Raíña Aragonta foron varias as obras realizadas como reparación de paredes e pintado nas aulas de San Xurxo, Soutelo e Budiño, que estaban en moi mal estado, o que supuxo unha importante reforma nas mesmas. No caso de Budiño colocáronse tamén paneis de corcho ao longo de toda a aula, facilitando o traballo de colgado dos diferentes traballos realizados polo alumnado. Así mesmo, nesta aula procedeuse á reparación da rampa e as escaleiras de acceso, espazos empregados ademáis de cómo zona de paso tamén como zona de ocio e recreo polos nenos e nenas. Ademáis rematouse e acondicionouse o patio exterior do colexio de Revolta, obra que quedara pendente da lexislatura anterior. Por outra banda, nesta semana estase a colocar caucho nos patios cubertos de Soutelo e Budiño, obra que se realiza aproveitando as xornadas de folga do profesorado, polo que non supón molestia no día a día dos colexios. No caso da escola de Fontán, e en resposta ás declaracións do PP en que se acusa ao goberno de non ter realizado as obras no verán, a Concelleira de Ensino fai a seguinte aclaración: o que inicialmente iba ser unha obra de pintado, polo mal estado das paredes supuxo unha obra maior na que prácticamente habería que reconstruílas. Colocáronse paneis de corcho na parte inferior das paredes, que era a parte que presentaba un peor estado, e decidiuse deixar a reparación do resto das paredes para as vacacións de Nadal, estando a aula preparada para recibir aos alumnos o primeiro día de curso escolar. Foi a propia mestra e o equipo directivo os que solicitaron que a obra se levase a cabo durante o curso escolar, polo que eles mesmos reubicaron aos alumnos na aula anexa. As obras estanse a levar a cabo en total coordinación co profesorado, sen causar ningún tipo de molestia nen entorpecer o normal desenrolo das clases, e quedarán rematadas esta mesma semana. Tere Pérez, Concelleira de Ensino, destacou a posta a punto dos colexios como prioridade absoluta na súa área, traballando en todo momento en constante diálogo e cooperación tanto cos mestres como coa propia dirección dos centros, evitando calquera molestia que as obras pudiesen causar no curso escolar.

Este sábado Serán Furancheiro de Outono na Picoña

2011-09-20T00:20:00.000+02:00

Salceda saneará a zona industrial do Cerquido e Budiño

2011-09-14T13:37:00.002+02:00

Os veciños e veciñas de San Estevo de Budiño están de noraboa xa que proximamente comezarase ás obras de instalación do saneamento nesta parroquia, despois de que o Pleno do Concello celebrado o 26 de agosto aprobara por unanimidade e puxera a disposición da Consellería de Medio Ambiente, os terreos necesarios para executar o Proxecto de Saneamento de San Estevo de Budiño (O.H. 336.912). O pequeno tramo, que descorre por O Porriño, foi aprobada tamén no último Pleno deste concello, Este proxecto supón o maior investimento en saneamento de Salceda e vai dar servizo á Zona Industrial do Cerquido, a unhas 130 vivendas dos barrios de Rubindo, O Coto, A Lomba, A Urgueira, Bouzapanda e O Cerquido e mellorar e eliminar os verquidos ó espazo protexido da Rede Natura-2000 “As Gandaras de Budiño” no Cerquido. O custo estimado destas obras ascenden a 1.276.723 €, constando de 5.852 metros de colectores e están financiadas por Augas de Galicia. Marcos Besada, Alcalde de Salceda, resaltou que “esta é unha obra importantisima para Salceda, xa que desta maneira quedará saneada a única zona industrial do Concello e que, dende hai anos, tiña varias advertencias da Confederación Hidrográfica para cancelar os vertidos que se producian ó Rio Tinto e ó Río Louro. Congratulámonos de que a Xunta lle dera para adiante a este proxecto e cumpla así unha parte dos preacordos asumidos con Salceda para por en marcha a Depuradora de Guillarei. Esperamos que nos próximos meses aproben tamén os proxectos de saneamento de Entenza e Soutelo”.

Estamos nas redes sociais

2011-09-09T00:04:00.000+02:00

Dende fai unhas semanas, abrimos un perfil no Facebook e outro no Google+. Con eles pretendemos aportar un pouco de frescura e rapidez, a hora de facervos chegar as novas que se vaian producindo no Val do Louro. Publicaremos no noso muro todo aquilo que atopemos pola rede, relacionados co Val do Louro claro, e que nos pareza interesante. Así que se queredes informarvos máis rápidamente de todo o que acontece por estas terras non tedes máis que agregarnos como amigos no Facebook ou no Google+. Isto non quere decir que deixemos de lado o blog, senón que deixaremos éste para novas de elaboración propia, ou que nos fagades chegar e que non estén publicadas na rede. Agaradamos que estes cambios axuden a dinamizar un pouco o blog, que por unha cousa ou por outra, estaba un pouco parado.

Salceda prepara 15.000 racións de callos para o vindeiro domingo

2011-08-30T23:09:00.001+02:00

O Concello de Salceda de Caselas ven de presentar a XIX edición da Festa dos Callos, que se celebrará o vindeiro 4 de setembro. Na presentación, ademáis de Teresa Pérez, Concelleira de Cultura, e Marcos Besada, alcalde de Salceda, como ven sendo habitual estiveron tamén presentes representantes do Concello do Porriño, neste caso Marcelino Coto, Tenente de alcalde e Mª Jose Martínez, Concelleira de Medioambiente e Sanidade, ademáis de Alejandro Alonso e Julio Barros en representación da empresa Frigolouro.

Marcos Besada, Alcalde de Salceda, destacou que con esta festa péchase o ciclo festivo do verán. Agradeceu a presenza dos compañeiros do Porriño, cos que bromeou co tema do viño, xa que Porriño segue apostando polo branco, mentres que Salceda se pasou ao tinto. Destacou o “irmandamento” entre os dous concellos, non só no refrente aos callos, senon que se trata de dous concellos que van da man en moitos proxectos e no día a día. O alcalde lembrou que se espera a presencia dunhas 20.000 persoas e agradeceu a implicación do persoal do Concello asi como dos máis de 50 voluntarios que traballarán na festa.

Alejandro Alonso, xefe de cociña do equipo de Frigolouro dixo que este ano se van preparar uns 5.900 kg. de producto, o que se traduce nunhas 15.000 racións. Así mesmo, reiterou que ninguén que desexe probar os callos se vai ir sen facelo, porque están preparados para satisfacer toda a demanda que se presente. Para preparalos utilizará 1500 kilos de ventre vacún, 750 kg de pata, 375 kg de lacón curado, 325 kg de chourizo e 1600 kg de garbanzos.

Teresa Pérez, Concelleira de Cultura, dixo que está a ultimar os derradeiros detalles para a Festa. Os actos comezarán na noite do sábado 3 co monólogo de Quico Cadaval ás 21:30 no Auditorio, para o cal xa se poden adquirir as entradas no Concello, e rematarase a noite coa celebración do V Serán dos Callos, polo que dende a Concellaría se quere convidar a todos aqueles grupos de gaiteiros, pandeireteiras e demáis que se acheguen a Salceda a participar deste serán.

O domingo 4 será o día grande, con reparto de callos dende primeiras horas da mañá, amenizando a festa a charanga Sghae de Salceda, que ese día fará a súa presentación ao público. Ás 12:00 será a lectura do Pregón, que este ano correrá a cargo do actor Quico Cadaval. Ás 20:00 horas será o turno de Marful, que ofrecerá un concerto na Praza do Concello como peche a estas festas.

Tamén os comerciantes de Salceda teñen previsto celebrar Exposalceda, mercadiño de oportunidades, que se ubicará no Pavillón dos Deportes e que se celebrará o sábado e o domingo, ao igual que a Asociación de Xubilados e Pensionistas que volverán celebrar a exposición de antigüedades na Devesa.

Axuda a manter a pluralidade política

2011-08-27T12:49:00.000+02:00

A reforma promovida polo PP e o PSOE da Lei Electoral, obriga que para as vindeiras eleccións xeráis do 20 de novembro, os partidos que non obtiveron representación parlamentaria nas pasadas eleccións, teñan que presentar un aval de firmas igual a un 0,1 % do censo electoral de cada unha das provincias nas que teñan intención de presentarse. Con esta traba o que se consigue e disminuir, de xeito drástico, o número de partidos que se presenten as eleccións, e os que consigan finalmente presentarse, investiran unha boa parte dos seus escasos recursos (tempo e diñeiro) e presentar os avais necesarios, recursos que serían mellor empregados en preparar a campaña e facer chegar a súas propostas a sociedade. Por iso o partido Pirates de Catalunya creo unha web onde todas as persoas que queiran avalar a un partido político da súa provincia poidan facelo de xeito sinxelo, deixando os seus datos para avalar ao partido que cada un elixa e logo ese mesmo partido é o que se porá en contacto con cada avalista para ir a firmar. Eu penso que canta máis variedade haxa onde elexir, máis fácil será atopar un partido que concorde coas nosas ideas, por iso dende este blog anímovos a tod@s a avalar a calquer partido, para que a "biodiversidade" política non se vexa mermada drásticamente nas vindeiras eleccións. Se non tedes claro a que avalar, como habitante do Valdolouro e galego, animovos a que avaledes a Converxencia XXI un partido fundado en Tui que se define como nacionalista galego de centro. Se este partido non vós convence podedes avalar a outro na provincia de Pontevedra, hai moitos onde elexir. E para terminar, só decir que, aínda que avales a un partido non quere decir que teñas que votar por él.

XL Descenso do Miño 2011

2011-08-12T00:09:00.001+02:00

Este sábado terá lugar a 40ª edición do Descenso Internacional do Río Miño. Despois duns cantos anos de clara caída, en canto a afluencia de público, este ano parace que a organización tenta cambiar a tendencia e ten programado distintos actos para que a proba volte a ter o esplendor que nunca debeu perder. Haberá un descenso popular, concertos e un ata clásico que nunca falla en calquer acontecemento galego que queira ter éxito, unha festa gastronómica. Agardemos que a proba volte a ter o esplendor que nunca debeu perder.

Festas na honra dos santos Xusto e Pastor en Entenza (Salceda)

2011-07-21T23:42:00.000+02:00

Festas da Virxe Concepción en Salceda

2011-07-14T00:45:00.000+02:00

Verán cultural de Salceda de Caselas

2011-07-01T23:57:00.000+02:00

San Xoan en Parderrubias

2011-06-15T19:54:00.000+02:00

Eleccións municipais no ValdoLouro

2011-05-24T00:17:00.001+02:00

Unha vez rematada a xornada electoral o panorama parece bastante claro nos 4 concellos do Valdolouro. O PP gobernará con maioría absoluta nos concellos de Mos, O Porriño e Tui e o BNG gobernará Salceda co apoio do PSOE. Houbo emoción en Tui onde ata o escrutinio da última mesa electoral o PP non tiña a maioría absoluta. En Salceda de Caselas a cousa foi ao revés, con máis do 75 % escrutado o PP obtiña a maioría absoluta, pero no último instante a Bloque arrebatoulle o 6 concellal ao PP, quedando éstes sen a maioría absoluta necesaria para gobernar. Esta tensión reflexábase na caras dos dirixentes do bloque, que ían trocando do seu susto inicial, a ledicia tra-lo estoupido festeiro que se prolongou ata a madrugada. Estas son algunhas imaxes da festa do BNG na noite electoral en Salceda.

Fotos do Martes de entroido en Salceda

2011-05-06T00:00:00.003+02:00

Como o prometido é débeda, eiquí están as fotos do desfile das carrozas e comparsas de entroido, dos barrios de A Feira e o Castro Barreiro, que tivo lugar o martes de entroido polas rúas e estradas de Salceda. Máis vale tarde ca nunca.

Actos das letras galegas 2011 en Parderrubias

2011-05-04T23:39:00.000+02:00

Fotos do Domingo de Entroido en Salceda

2011-04-23T16:29:00.002+02:00

Non sei se a espera merecería a pena, pero eiquí están as fotos do desfile de carrozas e comparsas de entroido que tivo lugar en Salceda de Caselas o pasado domingo de entroido. En vindeiros días poderedes disfrutar das fotos do martes de entroido.

Senda Fluvial do Río Caselas

2011-04-19T20:15:00.002+02:00

O pasado 19 de marzo inagurouse unha nova ruta pola beira do río Caselas, é a segunda ruta deste tipo que se abre, despois da que percorre as terras de Entenza, entre a A Fonte de Agüín e a Ponte do Picado. Está nova ruta percorre o río Caselas entre Santa María de Salceda e a parroquia da Picoña. Ten 2.014 metros e nela pódese ver, ademáis da flora e fauna característica desta zona, un conxunto de muiños cuidadosamente restaurados. Un deles, o Muiño da Laxe, foi restaurado na súa totalidade, incluindo a maquinaria e agora está funcionando como centro de interpretación. Esta é a ruta no Wikiloc e se facedes click nela, poderes ver o percorrido totalmente detallado, ademáis de fotografías da ruta.

Estes son os folletos informativos editados polo Concello de Salceda de Caselas.

E por último un vídeo, xentileza de Salceda Documental onde se amosa unha visita que un grupo de escolares de Salceda fixeron ao Muiño da Laxe.

O pregoeiro das Festas de San Telmo crea división en Tui

2011-04-18T23:43:00.000+02:00

O nomeamento de Mario Conde, como pregoeiro das festas de San Telmo 2011, está creando unha división na sociedade tudense. Eu no seu día xa expresei a miña opinión cando o nomearon cofrade de honra, ten sorna a cousa, da Confraría do Bo Xantar de Tui. Neste caso a cousa aínda é máis grave xa que foi nomeado para ser preogeiro das festas de San Telmo 2011, festas na que se proxecta a imaxe do concello de Tui hacia o exterior. Preto de 500 persoas xa formaron un grupo no facebook contrario a que Mario Conde sexa pregoeiro das festas de San Telmo e estudan algún tipo de protesta para esté sábado pola tarde que será cando teña lugar a lectura do pregón.

Incendio no centro de Salceda

2011-04-11T18:15:00.001+02:00

Arredor das 5 da tarde de hoxe prodúxose un incendio nunha casa abandonada no centro de Salceda de Caselas. Unha casa situada no cruce da rúa Vigo coa rúa Joaquín Fernández Sestelo

foi pasto das lapas que escomezaron no interior da construcción e que en poucos minutos acabaron por devorar o pouco que quedaba de dito inmoble, a pesares de que dous camións de bombeiros tentaron sofocar o lume. Estas son unhas imáxenes do incendio. A calidade non é moi boa xa que están tomadas con móvil dende o interior dun automóvil, pero o seu pequeno valor periodístico creo que paga a pena.

Desfile do sábado de entroido no Porriño

2011-04-05T23:11:00.002+02:00

Con unhas cantas semanas de retraso eiquí están as fotos que tomamos no desfile de carrozas e comparsas que tivo lugar o sábado de entroido no Porriño. En vindeiros días, espero que non sexan moitos, subirei as fotos do desfile do domingo e do martes de entroido en Salceda.

Vídeos da inauguración da Senda do río Caselas

2011-03-28T20:18:00.001+02:00

O 19 de marzo os veciños e veciñas de Salceda inauguraron a Senda do Rio Caselas que vai dende As Pontes en Santa Maria ata O Rubal en Picoña. Unha gran cantidade de público escoitaron as verbas de Cándido Lorenzo, Concelleiro de Medio Rural, Enrique Cabaleiro, Concelleiro de Medio Ambiente, Marcos Besada, Alcalde de Salceda e Xoán Novoa, Comisario de Augas da Confederación Hidrográfica do Miño e Sil. Todos agradeceron a cesión dos terreos por parte dos case 200 propietarios e alabaron o traballo de tódalas empresas e persoas que colaboraron no proxecto. Esta senda de 2014 metros de lonxitude pasa por catro muiños recentemente restaurados (Muiño das Covas, dos Cregos, das Figueiras e o de Marcial) que conforman o Parque etnográfico dos Muiños do Río Caselas e por tres áreas recreativas (Covas, Fondóns e Rubal). Un dos muiños, o dos Cregos, vai ser o muiño-museo, que cont´´en varios paneis informativos e é o que está en funcionamento. Finalmente, o alcalde manifestou que xa están comprometidos pola Confederación Hidrogrfica do Miño e Sil outros 150.000 euros para ampliar o paseo dende As Pontes ata As Ribeirias (na Pedra). O estupendo blog Salceda Documental achéganos estes dous vídeos da inauguración.

NOTA DE PRENSA DA COMUNIDADE DE MONTES DE SALCEDA

2011-03-23T19:11:00.000+01:00

A directiva da mancomunidade de Montes de Salceda quere mostrar o seu malestar polo trato recibido pola Consellería de Medio Rural da Xunta de Galicia ante o plantón que protagonizaron dous técnicos comprometidos por esta para realizar unha charla informativa sobre a praga do nematodo do piñeiro.

O despropósito comezou xa coa tardanza en determinar pola Consellería das persoas encargadas da poñencia da citada charla. Estaba prevista inicialmente para o día 4 de marzo, pero ante falta de resposta da Consellería decidiuse trasladar para o día 11, xa que ata o día anterior non se confirmaron os técnicos encargados de explicala situación. Ante a falta de tempo para promocionar o acto decidiuse pospoñelo.

Despois de publicitalo acto para o venres 11 durante todas esa semana, o xoves 10 recíbese un fax onde se explica que os técnicos asignados non poden asistir por unha cuestión de axenda, xa que tiñan unha reunión en Santiago ese día ás 8 da noite, cousa sorprendente polo horario dos funcionarios. Nese mesmo fax informase que si se quere información sobre a praga ten que asistir unicamente a directiva da mancomunidade á Consellería para que logo esta lla comunique ós comuneiros e propietarios particulares, ós que ía dirixida a charla.

Ante este plantón, a Mancomunidade ponse en contacto coa Asociación Forestal de Galicia e esta lle proporciona un técnico que informa do “que sabe, pois a Consellería é moi opaca neste proceso e non ten as cousas claras nin lles aclara certas cuestións técnicas, importantes para as comunidades e propietarios particulares.”

A Mancomunidade de Montes pide que isto non volva a pasar e que a Consellería informe ós propietarios de montes con piñeiros dos seus dereitos e das súas obrigas dentro da área de restrición pola praga. Recorda tamén os ridículos 470 € que a Xunta lles otorgou como axuda para a prevención de incendios forestais o pasado ano.

II SERÁN FURANCHEIRO ESTE SABADO 19 EN PICOÑA

2011-03-18T17:30:00.001+01:00

O Serán furancheiro de Picoña naceu coa idea de promocionar turísticamente este lugar de Salceda, descoñecido para moitos/as, e ó mesmo tempo facilitar a saida de excedentes do viño que colleitan númerosas persoas. Esta formula tamén ten un compoñente cultural e social , xa que se pretende que haxa o maior número de grupos musicais polas adegas e camiños da parroquia o que favorecen as relacións persoasi e sociais entre veciños/as e visitantes. Por outra banda, nestes momentos de crise, entendemos que os furanchos poden ser un paliativo para aquelas persoas que o están pasando mal económicamente.

Despois do éxito do ano pasado nos barrios de Loureiro e Fraga, este ano o Serán vaise levar a cabo nos barrios de Coto, Pedrapinta e Ataude. Cinco furanchos, moi pretos entre sí, abrirán as súas portas a partires das seis da tarde. Haberá dous lugares de estacionamento de vehículos no Centro Cultural e no anexo do Campo de Fútbol dende onde se poderá facer a visitas de forma circular.

A organización informa que os visitantes terán a súa diposición folletos onde se sinalarán os furanchos e camiños polos que chegar a eles. Ademáis agradece ós conductores máxima precaución xa que haberá moita xente camiñando polas estradas da parroquia.

Vídeos do Entroido de Salceda

2011-03-16T23:52:00.002+01:00

Hoxe achégovos estes vídeos, do estupendo blog Salceda Documental, sobre o desfile do venres do domingo e do martes de entroido en Salceda. En vindeiros días amosareivos as fotos que tomamos do entroido de O Porriño e de Salceda.

Presentación da Festa do Xabarín 2011

2011-03-14T23:14:00.005+01:00

A Comisión de festas da Concepción 2011 presentou no día de onte a IV FESTA GASTRONÓMICA DO XABARÍN, para a presentación contouse coa presencia de parte dos cociñeiros encargados de elaborar a receita o día da festa.

Para poder facer fronte as 1700 racións, prepararanse máis de 500 quilos de xabarín, 300 quilos de pataca e 150 quilos de arroz, a un prezo de 10 euros a ración,

acompañada tamén de viño e pan.

Para os que non lle guste o Xabarín tamén haberá xamón asado ou callos.

ACTIVIDADES DA FESTA :

*Pregón a cargo de EREA CASTRO participante do concurso "RECANTOS" do programa LUAR da TVG.
*Actuación dun grupo musical.
*Actuación da Charanga "Divertida".
*Actuación do grupo de baile Dinamikdancers.
*Chegada e saída da I Kedada de BTT - Xabarín 2011.
*En caso de choiva haberá carpa.

Data: 20 de marzo a partires das 10:00 hrs.
Lugar: Torreiro da festa da Virxe da Concepción, Salceda de Caselas.

Xa chega o entroido

2011-02-20T13:19:00.004+01:00

Cada vez está máis preto o entroido. Na nosa bisbarra o máis famoso e de máis tradición é o entroido de Salceda. Navegando pola estupenda páxina Salceda Documental atopamos esta reportaxe do ano 2006 que fala e amosa os preparativos, e todo tipo de anécdotas que rodean estas festas de Salceda. Tamén no grupo do Facebook "amigos despois do martes entroido" tedes minutos e minutos de vídeos sobre o entroido de A Feira e o Barreiro. Entre eles recoméndovos éste, "Memoria de dous barrios" que consta de 4 partes e que fai un bonito resumen coa historia deste entroido ou carnaval, como a maioría dos destes barrios prefiren chamarlle.

Entroido Salceda 2011

2011-02-18T00:13:00.000+01:00

II Serán Furancheiro na Picoña

2011-02-16T19:25:00.000+01:00

Deixounos Palmira

2011-01-07T18:02:00.001+01:00

Os sistemas de posicionamento por GPS necesitan o sinal de varios satélites para darnos a nosa localización exacta. As persoas pásanos algo parecido, necesitamos distintas sinais para poder saber en que sitio estamos, en que época do ano, en que festa, ... As sinais son de diversos tipos, unha igrexa, un vello carballo, un penedo, un río... Palmira xa era un deses "satélites", a súa figura axudábanos a saber se estábamos pasando polo barrio de Calvario en Caldelas, se estábamos bailando nas Festas da Rocha ou se estábamos comendo castañas no magosto de San Martiño. Por iso dende esta semana quedamos un pouco desorientados, fáltanos ese punto de referencia, ese nexo que quedaba cos nosos avós e bisavós, ese "satélite" que nos acompañou durante 108 anos. Agora debemos buscar outras referencias e coidar das que nos quedan, Palmira xa traballou dabondo.

Festas da Rocha - Agosto do 2005 - Foto cedida por Manuel Paz

A e-moción do Porriño

2010-12-29T18:05:00.001+01:00

Dando voltas pola internet atopeime estes días con esta páxina: http://porrinhoemocion.wordpress.com Nela críticase con humor ao goberno municipal do Porriño. Tamén hai unha foto de gran interés periodístico onde se pode ver un apretón de mans de Nelsón Santos, Alfonso Rueda, José Manuel Barros, Manuel Carrera e Gonzalo Ordóñez. ¿Por qué cousas coma esta foto, que nunha soa imaxe aclara moitos aspectos da política local, non chegan aos periódicos que si se enchen de notas de prensa dos propios concellos, que non deixan de ser meros panfletos propagandísticos?

Salceda Documental

2010-12-05T11:49:00.001+01:00

Hoxe preséntovos esta estupenda páxina con documentación gráfica, sobre todo vídeos, do pasado e presente de Salceda. Recomendo especialmente que vexades o estupendo documental sobre a historia do Carnaval do Castro Barreiro e A Feira. Salceda Documental queda engadida dende hoxe a nosa sección de ligazóns.

III Carreira popular benéfica da Fundación Oscar Pereiro

2010-11-16T18:51:00.001+01:00

Manifestación contra o Sergas no Porriño

2010-11-01T12:27:00.001+01:00

O pasado sábado 30 de outubro unhas 500 persoas manifestaronse polas rúas de O Porriño para pedir ó Sergas a marcha atrás na decisión de trasladar de Salceda o Servizo de Urxencias do sábado pola mañá. A plataforma organizadora considera todo un éxito esta convocatoria, xa que a pesares da chuvia e do mal tempo, os veciños e veciñas de Salceda volveron a dercirlle que nón ó Sergas e a Consellería de Sanidade. A marcha descorreu sen incidentes dende a Praza do concello de O Porriño, pasando por Domingo Bueno, Fernández Areal e rematando diante do Centro de Saúde onde se leu un manifesto (adxunto). As asociacións convocantes manifestaron que continuarán coas reinvidicacións ata que se restitúa o servizo xa que se sinten respaldados pola maioría da veciñanza de Salceda que non admite as teóricas melloras que alega o Sergas.

Nova protesta contra os recortes do Sergas en Salceda

2010-10-27T23:14:00.000+02:00

Este sábado inuaguranse en Salceda as novas rúas humanizadas

2010-10-21T22:57:00.000+02:00

III Xornadas de Consumo Responsable en Salceda

2010-10-12T00:46:00.001+02:00

Ciclo cultural Parderrubias 2010

2010-10-06T23:30:00.000+02:00

V Serán de San Tomé en Parderrubias (Salceda)

2010-09-28T23:13:00.005+02:00

A Asociación de Veciños, Agrícola e Cultural, San Tomé de Parderrubias convida tódolos grupos de música tradicional a participar no serán anual.

A quinta edición desta festa tradicional, no sábado 2 de outubro, a partir das 21:30 hs, terá lugar no Torreiro da Igrexa, espazo de actividades da parroquia salcedense de Parderrubias.

O sitio estará a resgardo de posibles inclemencias metereolóxicas xa que a organización ten previsto cubrilo cunha carpa.

Pola súa parte agasállase aos participantes no Serán con produtos da gastronomía tradicional; entre outros co bolo do pote; especialidade que na localidade se trata de recuperar, xa que se trata dun complemento alimenticio altamente consistente elaborado con fariña de millo; acompáñase de touciño e chourizo; todo elo regado con viño da zona.

3ª Exposición da Colleita e conferencia

Ao mesmo tempo, durante o sábado 2 e o domingo 3 de outubro, abrirase a “3ª Exposición da Colleita" na que veciñas e veciños da parroquia expoñen produtos, recollidos nesta época do ano, e ferramentas diversas relacionadas coas actividades agrícolas.

No domingo, ademais de continuar a exposición, pola tarde a partir das 18:00 hs. está prevista unha conferencia coa tema “Novas actividades no entorno rural”, referida ás seguintes experiencias relacionadas coa actividade agro-gandeira e a explotación de recursos forestais no monte comunal:

-"Explotación gandeira en monte comunal - experiencia en Cabeiras-Arbo",

-"Biomasa forestal, enerxía e desenvolvemento rural".

III Serán Carballeira na Picoña (Salceda)

2010-09-22T23:45:00.001+02:00

" Os seráns eran xuntanzas festeiras dos nosos antergos, que despois de traballar nas tarefas agrícolas reuníanse para cantar e bailar. Os actuais seráns proveñen desas xuntanzas e son organizados normalmente por asociacións culturais que pretenden recuperar os cantes e melodías tradicionais da nosa terra, así como as tradicións propias da nosa terra.

A Asociación de Veciños Carballeira no seu intento de conservar o patrimonio cultural etnográfico e musical da parroquia de Picoña, do Concello de Salceda de Caselas e en xeral de Galicia toma a iniciativa de organizar o III Serán Carballeira.

Por todo elo propoñémonos recuperar esas manifestacións culturais. O obxectivo é que conflúan xente maior con xente nova para que os primeiros lle transmitan as súas experiencias, músicas e cantigas así como as tradicións da zona. En Picoña, así como noutras parroquias veciñas aínda viven persoas que formaron parte daqueles seráns e que aínda tocan instrumentos como gaitas, requintos, bombos, Caixas, pandeiros ou pandeiretas ou fan da voz o mellor instrumento.

O III Serán Carballeira celebrarase no torreiro de festas de A Picoña, chamado “Adro” e a el convidarase a tódolos grupos de música tradicional que queiran asistir, así como a calquera persoa ou grupo de persoas que queiran subir ó escenario para cantar, tocar ou bailar calquera peza tradicional.

Ademais vaise organizar unha exposición de fotos antigas entre as que se destacarán aquelas que teñan un contido festivo-musical.

Esperase que se acheguen ata o Torreiro de Festas de Picoña unhas 1000 persoas procedentes de toda a provincia de Pontevedra."

Manifesto reclamando a devolución dos servizos médicos para Salceda

2010-09-21T21:00:00.000+02:00

Este é o comunicado que se leu este sábado pola mañán en Salceda na manifestación contra o SERGAS:

"Bos días, veciños e veciñas de Salceda e arredores.

Primeiro de todo, darvos as grazas pola vosa presenza nesta manifestación.

A continuación aclarar que este acto foi convocado pola Plataforma en defensa dos servizos sanitarios en Salceda composta polas seguintes asociacións: Asociación de Veciños Caselas, Asociación de Veciños de San Xurxo, Asociación de Veciños Carballeira de Picoña, Asociación de Veciños Agrícola e Cultural San Tomé de Parderrubias, Asociación de Veciños Escola da Feira e Asociación de Xubilados e Pensionistas de Salceda.

O obxectivo desta manifestación é pedir a reposición dos servizos médicos no centro de saúde de Salceda de Caselas ós sábados pola mañá, despois do seu traslado para o PAC de O Porriño. Esta decisión foi tomada polo SERGAS con nocturnidade e aleivosía, da noite para a mañá, sen dar ningún tipo de información previa ós cidadáns. Aqueles que o 3 de xullo tiveron que asistir a urxencias atopáronse cun simple carteliño na porta que dicía que tiñan que ir ó Porriño.

Esta Plataforma, a partires de que tivo coñecemento desta decisión, levou a cabo varias actuacións:

-Notas de prensa anunciando este cambio, as consecuencias que traería e posicionamento en contra.

-Colocación dunha pancarta en frente do Centro de Saúde en contra do traslado do servizo.

-Solicitude e consecución dunha moción do Pleno do Concello de Salceda de Caselas en contra do traslado so servizo dos sábados pola mañá e solicitude ó Sergas do retroceso desta decisión.

-Presentación de dúas mil sinaturas de veciños e veciñas de Salceda en contra do cambio e instándolle ó Sergas a dar marcha atrás.

-Reunión co Xerente de Atención Primaria do Sergas, na Xerencia, na Rúa Rosalía de Castro, na que estiveron presentes un representante de cada asociación que conforman esta plataforma, o alcalde de Salceda de Caselas e un representante de cada partido político da corporación municipal. Nesta entrevista, o Xerente, Javier Caramés tentou convencer ós asistentes de que este traslado para o Porriño era o mais beneficioso para a poboación de Salceda.

-Asemblea informativa no Auditorio Municipal á que asistiron unhas 300 persoas enchendo o local. Nesta asemblea foi onde se decidiu organizar esta manifestación por maioría dos asistentes.

-E xa por último, ata o de agora, esta manifestación na que estamos todos e todas aquí presentes.

Os motivos polos que nos opoñemos a este traslado son os seguintes:

-O resultado deste traslado supón unha nova perda dun servizo básico por parte dos veciños e veciñas de Salceda de Caselas que teñen que trasladarse ó concello veciño de O Porriño para recibir asistencia sanitaria. “Hai uns anos xa se perdeu o dereito a ter urxencias en Salceda na fin de semana e agora pretenden rematar con este proceso eliminando tamén o servizo ordinario do sábado pola mañá

-A poboación máis afectada vai a ser a menos protexida: as persoas maiores, aquela xente que non dispón de vehículo propio, os nenos e nenas e en xeral toda a poboación que a partires de agora vai ter que desprazarse ó Porriño.

-Os motivos reais para este cambio son unicamente para que o persoal médico faga menos sábados e polo tanto menos horas semanais co mesmo salario. Así nolo recoñeceu o xerente de atención primaria na entrevista dicindo que a iniciativa partira deles e que hai que tratalos ben para que aprendan a utilizar novos aparatos médicos. Aclarar que para os médicos o sábado pola mañá non son guardias nin horas extras, senón que é un horario ordinario,

-A escusa de mellor dotación do centro de saúde de O Porriño non é correcta, xa que a maquinaria que ten a maiores o de Salceda (retinografía, desfibrilador ou ambulancia asistencial) non están dispoñibles os sábados pola mañán no Porriño ou xa existen en Salceda

-Por outra banda porcentualmente os médicos en Porriño van atender moita máis xente xa que aquí había un medico para 8.000 persoas e no PAC de Porriño a media por médico vai a ser de 14.000. Cando haxa tres urxencias domiciliarias quedaría o centro de saúde de Porriño igualmente sen atención médica.

-Económicamente ó Sergas vaille a supor o mesmo gasto ter aberto o Centro de Saúde de Salceda que non, xa que o mantemento sopórtao o Concello de Salceda de Caselas e ó persoal vaille ter que pagar igual.

Por todo isto instamos ó Sergas a que dea marcha atrás nesta decisión e non nos quite este servizo que viña funcionando dunha forma correcta ata o de agora.

Que non nos quiten servizos, xa que en Salceda cada día somos máis, senón mais ben ó contrario, teñennos que ofrecer máis. A sanidade é un servizo básico onde non hai que escatimar. A saúde de todos nós, non é unha broma e con ela non se xoga.

Sergas, devolución do servizo xa !!!!!!

Sergas, devolución do servizo xa !!!!!!"

Centos de persoas maniféstanse en Salceda para pedir máis servizos médicos no Centro de Saude

2010-09-20T19:57:00.006+02:00

Centos de manifestantes, 3000 segundo a organización, xuntaronse na mañán do sábado en Salceda para protestar pola, desaparición do servizo de urxencias os sábados pola mañán no Centro de Saúde de Salceda. Os manifestantes partiron do Centro Social da Devesa, percorrendo distintas rúas do casco urbán ata chegar a Praza do Concello, onde se leu un manifesto, por parte dos membros da Plataforma Pola Defensa dos Servizos Sanitarios en Salceda,convocante da manifestación. En dito manifesto pedíase o restablecemento de dito servicio, desmontando ademáis as razóns que esgrimiu o Sergas, para a toma desta medida.

Manifestación contra os recortes do SERGAS en Salceda

2010-09-14T23:57:00.000+02:00

Ruta polos montes de San Cibrán e o Faro de Budiño

2010-08-08T00:32:00.002+02:00

Aproveitando a ruta recentemente inaugurada dos Montes de San Cibrán, que tivemos ocasión de percorrer e que dende eiquí recomendamos aos amantes do sendeirismo, fixemos esta ruta circular con saída e chegada no merendeiro de As Conforcadas en San Xurxo. A ruta como digo aproveita o sendeiro PR-G 132 que vai dende As Conforcadas ata o Alto do Confurco pasando por San Xurxo, A Picoña e Couso. Para facer a volta aproveitamos un tramo do Sendeiro das Greas GR-58 e pasamos polo monte do Pianista en Cans e o Faro de Budiño. Este é o mapa do percorrido, pinchando na frecha verde da saída, podedes observar tamén algunhas fotos do sendeiro. Ao final deste artigo tedes un vídeo da presentación do sendeiro PR-G 132.

4 Blogues interesantes sobre Tui

2010-07-31T19:08:00.000+02:00

Hoxe achegámovos 4 blogues interesantes sobre Tui e arredores.

Tudensia: Novas, principalmente de caracter cultural sobre Tui e as súas xentes.

Valença / Tui Info: Novas sobre Tui e o concello veciño de Valença.

Asociación de veciños de Randufe: Blog da Asociación no que se da conta da súa actividades, incluso nun das súas últimas entradas se acusa ao alcalde de Tui de recibir unha subvención para a rehabilitación da Casa Escola e que nunca se chegou a realizar.

Intra Muros: Este é un blog de recente creación, pero moi interesante e que denuncia o estado de abandono a que esta sometida o que antes se coñecía como Zona Monumental de Tui e que agora debería chamarse simplemente zona vella.

Este sábado inaugúrase unha nova ruta de sendeirismo polos montes de San Cibrán

2010-07-05T20:04:00.007+02:00

San Xoan 2010 en Parderrubias

2010-06-18T19:02:00.000+02:00

Inaugurada a senda do Río Caselas

2010-06-06T16:49:00.002+02:00

Onte sábado 5 de xuño, inaugurouse en Entenza (Salceda de Caselas) unha senda que transcorre en gran parte pola beira do río Caselas. Nós tivemos a sorte de percorrela uns días antes e podo decirvos que é un paseo totalmente recomendable, especialmente agora que as augas do Caselas, baixan máis limpas ca nunca grazas a posta en marcha da depuradora de Guillarei. A ver se un día non moi lonxano podemos decir o mesmo das augas do río que da nome ao noso blog. Estas son unhas fotos que tomamos de dita senda. Tamén subimos o percorrido ao wikiloc para que ninguén se perda.

Éxito do Clube Baloncesto Caselas Alevín

2010-05-26T20:26:00.002+02:00

Para os que vivimos e sufrimos os inicios do Clube Baloncesto Caselas alá polo ano 1990, xogando a intemperie e sufrindo derrota tras derrota, que agora un dos seus equipos saboree o trunfo, énchenos de ledicia e orgullo. Iso foi o que sucedeu a pasada fin de semana onde o equipo Alevín Mixto do Clube Baloncesto Caselas xogou a final de liga perante o María Inmaculada de Vigo, ao final non poido ser o trunfo pero o subcampionato soubo a gloria, tanta que ata houbo baño na fonte da Praza do Concello. Toda a crónica do encontro e do postpartido podes vela na web do Clube Baloncesto Caselas.

Recendos dos Camiños

2010-05-15T20:20:00.001+02:00

Grazas a un novo seguidor de Valdolouro, puiden descubrir este interesante blog: Recendos dos Camiños. É unha especie de caderno fotográfico dos distintos camiños e lugares do concello de Salceda de Caselas e arredores. Dende hoxe queda engadido as miñas ligazóns, para visitalo con máis asiduidade. Este blog tamén me fixo lembrar a palabra recendo ou arrecendo, unha das moitas palabras fermosas do galego e que pouco a pouco se están perdendo. Para que isto non pase, os que queremos este idioma, temos unha cita o luns 17 de maio na Alameda de Santiago.

Atopado en Mos un curioso e raro cogomelo

2010-05-12T23:09:00.003+02:00

Trátase dun cogomelo orixinario das nosas antípodas, Australia e Nova Zelanda. É unha novidade para o catálogo da Península Ibérica e da que só hai un precedente en Europa, pois só se recolectou ata o de agora en Kew, Reino Unido, segundo relata unha publicación de 1994.

O cogomelo inicialmente presenta forma de ovo, do que emerxe un pé que porta un receptáculo ramificado en forma de estrela de mar, cunha chamativa cor vermella. O centro do receptáculo está recuberto dunha masa viscosa, é a parte fértil, onde se atopan as esporas.

Todo o cogomelo desprende un cheiro noxento que ten por misión atraer os insectos que son os encargados de diseminar as esporas, ben coméndoas ou pegadas as súas patas.

O achádego de man de Oscar Requejo, membro do Grupo Micolóxico Galego, está publicado na revista italiana Micología e vegetazione mediterranea vol. XXIV, artículo realizado polo recolector e polo experto en Gasteromycetes, F.D. Calonge, tamén se pode consultar no libro recentemente publicado por este último autor: Guia de bolsillo para el buscador de setas.

Parderrubias celebra o día das letras galegas

2010-05-10T19:45:00.001+02:00

Este sábado nova festa trezecatorzeadora

2010-05-06T00:23:00.001+02:00

Video do carnaval do Castro Barreiro e A Feira

2010-05-02T11:45:00.002+02:00

Xa fai uns meses que pasou o entroido, pero estes días na canle Xankpenabellat do Youtube subiron un novo vídeo sobre o desfile de carrozas e comparsa do Castro Barreriro e A Feira no martes de entroido. Un vídeo estupendo como casí todos os desta canle que non podiamos deixalo pasar inadvertido.

A honra de Mario Conde

2010-04-10T10:59:00.002+02:00

Non serei eu o que se opoña a reinserción social dos delincuentes pero de ahí darlle recoñecemento público dista un mundo. Todo isto ven a conto de que a Confraría do Bo Xantar de Tui, acaba de nombrar confrade de honra a Mario Conde, ex-delincuente reinsertado na sociedade grazas a xente como os de Intereconomía TV e que agora esta confraría de Tui acaba de darlle recoñecemento publico. Dándolle voltas ao asunto so atopo unha razón de peso pola que esta confraría gastronómica tudense pode homenaxear a este persoaxe, e é que foi un peixe gordo, escurridizo coma unha anguía pero ao final acobou no caldeiro.

Nestes tempos en que todos botamos as mans a cabeza cos casos de corrupción que aparecen ata debaixo das pedras, non podemos eludir a nosa responsabilidade. Creo que os cidadáns somos responsables, por exemplo, ao non facerlles pagar electoralmente aos partidos os casos de corrupcións que poidan aparecer, casos coma os de Marbella, por poñer un exemplo lonxano e que non fira sensibilidades, onde unha persoaxe coma Jesús Gil gañaba eleccións, a pesares do noxento tufo a podrido que soltaba, non lle fan ben a sociedade. Pouco ánimo se lle vai dar a un líder político de facer limpeza nun partido se sabe que aínda que non mova un dedo non vai a ter ningún coste electoral, e máis, se sigue poñendo como candidato a ese alcalde ou presidente de comunidade con carisma, aínda que sexa corrupto, vai sacar máis votos ca un político limpo pero que pouca xente coñece, e isto é responsabilidade nosa. Por iso mesmo penso que é responsabilidade nosa non enaltecer determinadas persoaxes con exemplos de conducta que son claramente perxudiciais para esta sociedade, por moi de Tui que sexa ou por moi coñecido que sexa. Calquer traballador honrado de Tui merece moito máis esta honra. ¿Qué exemplo lle estamos ofrecendo a nosa xuventude cando lle damos honra públicá a ex-delincuentes de semellante índole?

Salceda xa non verte ao río Caselas

2010-03-29T12:47:00.000+02:00

Aínda que sexa unha nova da semana pasada, creo que ten a suficiente relevancia para voltar a facerse eco dela. Como se pode ler na páxina web do concello de Salceda de Caselas, os vertidos que se facían no río Caselas a través da "depuradora municipal" pasaron a verter na macrodepuradora de Guillarei, co cal o río Caselas deixará de recibir vertidos contaminantes por parte do concello de Salceda. Agardamos que os demáis concellos do Valdolouro, se conecten axiña tamén a depuradora de Guillarei o podamos voltar a disfrutar dos bonitos entornos naturais tanto do río Caselas como do río Louro.

Fotos do martes de entroido en Salceda

2010-03-13T12:54:00.003+01:00

Aínda que con un pouco de retraso, eiquí están as fotos do desfile de carrozas e comparsas dos barrios do Castro Barreiro e A Feira, o martes de entrido en Salceda de Caselas.

Efectos do temporal

2010-03-05T21:27:00.001+01:00

Estamos a sufrir un dos invernos máis duros dos últimos anos, xa non lembro cantos temporais nos azoutaron, e aínda non sei se quedará algún máis.O certo e que estes fenomenos metereolóxicos adversos, para os que nos gusta a fotografía teñen o seu lado bó, xa que se poden captar imaxes pouco comúns como o Monte Aloia nevado ou o río Miño desbordado. Este último caso e o obxeto desta serie de fotografías, tomadas a pasada semana na ribeira de Caldelas. A este lugar téñolle un especial cariño xa que foron precisamente, unhas fotos sobre o desbordamento do Miño en Caldelas, a primeira galería de fotos que subín a Valdolouro.com alá polo ano 2001, cando eramos webmasters, en vez de blogueiros, as cámaras eran analóxicas e non dixitais, e tiñamos mais pelo e algo menos de bandullo.

Novos vídeos do entroido de Salceda

2010-03-03T00:29:00.000+01:00

Buscando entre a miñas suscripcións no youtube, atopei estes vídeos no canle Xankpenabellat, sobre o entroido de Salceda. O primeiro é un resumen do desfile de carroza e comparsas do domingo e o segundo e un resumén da actuación das "Caantareiras de Ardebullo" no martes de entroido no Castro Barreiro. Dende esta páxina quero felicitar ao responsable dos vídeos polo seu traballo, e espero que nos siga facendo disfrutar no futuro con novos vídeos desa boa calidade. Tamén vos recomendo a todos que fagades unha visitiña polos vídeos de dita canle, que sen dúbida merecen a pena botarlles unha ollada.

Fotos do domingo de entroido en Salceda

2010-02-25T23:51:00.001+01:00

Estas son as fotos que tomamos o domingo de entroido en Salceda no desfile de carrozas e comparsas. Nos vindeiros días poñeremos as fotos do martes co desfile dos barrios do Castro Barreiro e A Feira.

Video da comparse de San Xorxe

2010-02-25T23:46:00.000+01:00

Fai un días deixáronos un comentario, no artigo que puxemos sobre os vídeos do desfile do domingo de entroido en Salceda, decindo que non púxeramos ningún da comparsa de San Xorxe, como xa dixemos neses mesmos comentarios, non puxéramos vídeos da comparsa de San Xorxe porque non os atopamos pola rede, xa que este ano, adicámonos só as fotos e nós non fixemos vídeos. Como hoxe si que atopamos un, eiqui o traemos. Creo que é en Salvaterra, non estou moi seguro pero a comparsa si que é a de San Xorxe. Espero que con isto quede saldada a débeda.

Fotos do entroido de O Porriño

2010-02-22T23:43:00.001+01:00

Hoxe traémosvos as fotos do desfile carrozas e comparsas do sábado de entroido en O Porriño. Nos vindeiros días subiremos as fotos do domingo e do martes de entroido en Salceda.

Vídeos do entroido de salceda 2010

2010-02-17T23:46:00.002+01:00

Buscando polo youtube, atopamos estes vídeos do desfile de carrozas e comparsas de entroido de Salceda. Nos vindeiros días subiremos as fotos que tomamos este ano no entroido de O Porriño e tamén no de Salceda.

Entroido en Parderrubias (Salceda)

2010-02-16T20:54:00.000+01:00

Entroido Salceda

2010-02-12T20:26:00.000+01:00

Comeza este ano forte o entroido de Salceda, especialmente a rivalidade entre os barrios de Castro Barreiro e A Feira. A primeira batalla estase librando en internet. Onte xoves presentávase tanto no blog da Asociación Cultural A Feira como no da peña Os de Sempre o cartel de festas para este ano, no que coma sempre hai que prestarlle especial atención as coplas satíricas do final onde non deixan títere con cabeza no barrio rival, claro está. Mentres na web do Castro Barreiro contratacaban co anuncio da actuación estelar de Mucha e Nucha para o martes de entroido. Neste caso non sei cal dos refráns acertará se quen da primeiro da dúas veces ou quen rí último rí mellor, o tempo diránolo.

Entroido 2010

2010-02-08T19:07:00.005+01:00

Aínda non nos deu tempo a dixerir os turróns e xa nos atopamos inmersos no tempo de entroido. Dende este fin de semana ata o domingo día 21, que terá lugar en Tui o enterro do bacallau, a bisbarra de Valdolouro encherase de música, colorido e humor, para celebrar esta festa que é un anticipo da primavera. Este é o cartei dos actos que terán lugar en Salceda, para os vindeiros días. A información sobre o entroido de Tui poderedes atopala eiqui. A de O Porriño, se o novo goberno municipal ten a ben, poderá consultarse eiquí. Sen dúbida o entroido de O Porriño terá un atractivo especial, debido a recente moción de censura que será motivo de inspiración para moitos dos participantes. A programación do entroido de Mos, se alguén e capaz de atopala na páxina web do concello, que teña a ben decirmo. Por certo, esta web, nos útlimos anos o único que cambiou foi o organigrama, pero se entrades nel, aínda se pode ver a Nidia Arevalo e os seus concellais coma membros do PPdeG, cando por culpa do pacto antitranfugismo, tiveron que darse de baixa do PP. Parece que a oposición tampoco entra moito nesta web, porque deste feito, non comentaron aínda nada.

Precisamente vendo vídeos do entroido da nosa bisbarra atopeime esta canle de Youtube na que se poden visionar interesantes vídeos sobre o concello de Salceda, entre o que se atopa este que poño a continuación do defile de carrozas do Castro Barreiro e A Feira do ano pasado. Sen dúbida recoméndovos que visionedes algúns dos vídeos desta canle, na que se pode facer un percorrido por distintos feitos e actividades do concello de Salceda nos ultimos meses. Noraboa ao seu responsable.

Mal empezamos Sr. Nelson

2010-02-04T23:44:00.002+01:00

Fai uns días xa avisaba neste blog que o mandato de Nelson poidera ser un espello do que se reflexa na páxina web do seu partido. Os acontecementos parece que me están dando a razón as primeiras da cambio. Lendo os moitos comentarios acalorados que estes días se poden ver por internet sobre a moción de censura, decía nun deles que nunha entrevista en La Voz de Galicia o novo alcalde de O Porriño dixera que unha das medidas que iba a tomar este novo goberno era a suba dos sueldos do alcalde e concellais con adicación exclusiva, e dixen para min, non pode ser certo, seguro que é un destes comentarios partidistas sin ningún tipo de fundamento, pero decidin a consultar dito xornal e atopei esta entrevista, na que Marcelino Coto concellal de Independientes di textualmente: "No quiero hacerme rico, pero si me voy de la empresa privada tampoco puedo perder dinero. La gente creería que soy tonto o que lo voy a coger del Concello. Existe ya el compromiso de una subida del sueldo normal en O Porriño por dedicación exclusiva, que es hasta ahora de 35.000 euros anuales". Logo leo a través doutros xornais que pensan recortar o presuposto das festas do entroido e da Escola Municipal de Teatro. Así que resumindo, este podería ser o lema para os primeiros días deste novo goberno municipal, arriba os soldos, abaixo a cultura. Logo chamaranlle austeridade cultural ou, se cadra, cultura cordial.

Novo mail de contacto

2010-02-04T00:26:00.003+01:00

Por problemas con noso servidor de correo electrónico, cambiamos o enderezo ao que podedes escribir para poñervos en contacto con nós. Lembrade que estamos abertos a todo tipo de información que non fagades chegar, cultural, social, crítica, louvanza, etc. O noso novo enderezo é: valdolouro@gmail.com. Tamén aproveitamos para darlle un pequeno cambio de imaxe ao blog, dándolle un poco máis de campo a zona das entradas. Esperamos que este pequenos cambios sexan do voso agrado. Na parte dereita do blog tedes unha enquisa para que poidades opinar disto.

O lápiz do Sr. Melero

2010-01-31T10:03:00.005+01:00

Non é un novo libro de Manolo Rivas, ainda que a historia daría para máis dun volumen. Cando eu ía ao colexio, os mestres non nos deixaban facer os exames e traballos importantes a lápiz, por medo a que se borrase ou puidese ser manipulado, se cadra cando o aparellador municipal de Tui estudaba, nunca lle aprenderon tal cousa, ¡bendita LOGSE! Hoxe, o periódico El Pais, publica un interesante artigo sobre as conductas do aparellador municipal de Tui que non ten desperdicio e está máis de actualidade ca nunca, con empadroamentos irregulares e traballo máis aló dos 65.

Moción de censura en O Porriño, reflexión rápida

2010-01-27T19:33:00.004+01:00

A verdade é que nos últimos días hai poucas cousas que me motiven a subir algún artigo ao blog. O máis interesante que está acontecendo na nosa bisbarra é a moción de censura presentada polos partidos da dereita porriñesa e que desbancará da alcaldía ao nacionalista Raul Francés. Dela xa se falou dabondo en moitos medios, así que non vou profundizar moito máis, so vos pido que lle botedes unha ollada a paxina web de Ciudadanos x Porriño, que será o partido que gobernará O Porriño nos vindeiros meses. Por facer unha análise rápida cabe destacar que a web só está dispoñible en castelán e a última actualización é do 2 de outubro do ano pasado. Se a cara é o espello da alma, esta web pode ser reflexo do que lle agarda a O Porriño nos vindeiros meses.

Feijoó farache responsable da morte do galego

2009-12-31T00:20:00.008+01:00

Con premeditación, nocturnidade e alevosía presentou, o Sr. Feijoo o novo decreto do galego. Despois de leelo de arriba a abaixo, só podo resumilo dun xeito, o Sr. Feijoo quere acabar co galego e que os responsables disto sexan os propios galegos, pois serán os galegos os que teñan que decir cal é a lingua coa que queren se lles ensine aos seus fillos e sendo este un pais autodestructivo que só está orgulloso das súas paisaxes e a súa gastronomía o resultado final está ben claro, os da cidade seguirán ensinando aos seus fillos en castelán primordialmente, como viñan facendo ata o de agora, e os de aldea como somos aínda máis pailáns pedirémoslle a Feijoo que lles ensine aos nosos fillos en castelán, "para parecernos a los de la ciudad".

O decreto en si está cheo de trampas e podíamos caer na tentación de que propone un "equilibrio entre el gallego y el castellano" tal e como afirma "La Voz de Galicia", facendo meritos por levarse algún que outro muiño no novo reparto eólico. O certo e que de equilibrio nada; en educación infantil o profesorado usará na aula a lingua predominante (elexida polos pais), en educación primaria impartirase matemáticas nuha lingua e coñecemento do medio noutra, en secundaria tanto unha coma outra poderán impartirse as dúas en castelán se así o piden os pais e tanto nun ciclo coma noutro ningunha delas poderá ser inferior ao 33%, ahí está o truco, porque supostamente o outro 33% poderá usarse para o ensino dunha lingua extranxeira, pero no caso de que por exemplo só se dé a materia de inglés en lingua extranxeira o resto podería darse en castelán, e decir, podería ser o caso de que nun centro de secundaria se dese en galego, por exemplo as materias de galego (menos mal), ximnasia e relixión e o restos das materias, agás o inglés, serían en castelán. Isto e o que La Voz de Galicia chama equilibrio.

Outro exemplo onde se ve que se ningunea clarisimamente ao galego e no apartado 14 onde se fala de que o alumnado que se incorpore en secundaria ou bachelerato dende outra comunidade ou país extranxeiro estará exento durante "3 anos" de examinarse de galego, pois se o alumno ven dun pais non hispanofalante porque non se lle exime durante 3 anos de examinarse de castellano. Isto e o que algúns chaman equilibrio.

En fin só nos queda aos que amamos de verdade esta terra, apelar por unha vez a cordura dos pais, que pensen que aos seus fillos non lle van a facer favor ningún negándolles a aprender un idioma, e que ao millor nun futuro non moi lonxano outros gañarán as eleccións e daquela saber galego podería serlles útil, aínda que só sexa para aprobar unha oposición.

II Feira Conciencia Ecolóxica en Salceda

2009-12-18T00:23:00.004+01:00

Este sábado 19 e domingo 20 de Nadal terá lugar en Salceda a II Feira Conciencia Ecolóxica, Xornadas de Consumo responsable, organizadas pola Asociación Trezecatorce. No seu blog terás máis amplia información sobre as actividades que terán lugar e os seus horarios.

O goberno de Salceda reúnese cos veciñ@s

2009-12-14T18:51:00.003+01:00

O goberno de Salceda de Caselas, do que forman parte cinco concelleiros do BNG e dous do PSG-PSOE comezaron unha serie de reunións con distintos colectivos e cidadáns por parroquias co obxectivo de explicar a súa laboura de goberno e os proxectos que se executarán no futuro para seren incluídos no orzamento do ano 2010.

Esta xeira de reunións comezaron cos hostaleiros da Rúa Pontevedra para intentar entre as partes conciliar o dereito dos veciños desta rúa ó descanso e o dereito dos hostaleiros a traballar. Chegouse a un acordo onde os hostaleiros se comprometeron a cumprir os horarios de peche de cada local, evitar no posible a saída de persoas dos establecementos con vasos de cristais e tolerancia cero no consumo de drogas nos locais.
A continuación foron convocados todos/as comerciantes do centro de Salceda, ós que o goberno lle expuxo as inversións realizadas polo Concello na área do comercio e a futura humanización das Rúas Victoriano Pérez Vidal, Joaquín Fernández Sestelo e Avda. Galicia para que estes aportaran ideas e suxerencias. Tamén se falou da proposta de ampliación da zona azul, queda pendente para despois da citada humanización. Por outra banda tamén se chegou a un preacordo para que os comerciantes financien nun 50% a colocación do alumeado de Nadal, poñendo o concello o restante 50% e o 100% do consumo eléctrico.
O domingo 13 a equipa de goberno comezará nas parroquias de Salceda unha serie de reunións abertas onde se explicarán os traballos realizados nelas e os obxectivos propostos de cara ó ano próximo. As datas son as seguintes:

BARREIRO LUNS, 14 ás 20:00
SOUTELO MARTES, 15 ás 20:00
PARDERRUBIAS MERCORES, 16 20:00
ENTENZA XOVES, 17 20:00
SAN XURXO DOMINGO, 20 11:00
A FEIRA LUNS, 21 20:00
BUDIÑO MARTES, 22 20:00
ESFARRAPADA MERCORES, 23 20:00

Arde a nave de Pinturas Proa no polígono da Granxa no Porriño

2009-11-19T22:29:00.005+01:00

A estas alturas do día xa casi todos saberedes que hoxe arredor das 9:30 horas ardeu, no polígono da Granxa, unha nave da empresa Pinturas Proa. O incendio foi de considerables dimensións e para sofocalo acudiron, ademáis dos bombeiros de O Porriño, persoal doutros parques coma Vigo, Valença e O Morrazo. O pouco tempo de producirse o suceso, chegaron as nosas mans estas fotografías tomadas por un particular, antes de que a maioría dos medios de internet se fixeran eco da nova. Isto son os milagres das novas tecnoloxías.

Este venres concerto especial dos Phantom Club en Tui

2009-11-18T22:30:00.002+01:00

Estamos en plena conta atrás de cara ao concerto que este venres ofrecerá nos Phantom Club no Teatro Municipal de Tui. Os oito integrantes desta banda non estarán sós senón moi ben acompañados por artistas coma Ariel Rot, Andy Chago, Pablo Novoa e Claudio Gabis.
Este será un directo especial xa que servirá para gravar o seu segundo traballo discográfico titulado “Muchas noches, buenas gracias” no que de novo recorren ao xogo de palabras coma fixeran xa con “Funksiona” o seu primeiro disco do que venderon 2 mil copias.
Trátase dun proxecto ambicioso xa que inclúe 18 temas propios, nos que repasan a súa carreira que comezou precisamente cun concerto en Tui en 2002. O son deste directo será logo mesturado en Bos Aires e remasterizado en Los Ángeles, agardando que o resultado en formato DVD e CD poida estar no mercado en marzo de 2010.
O grupo promete que o concerto do próximo día 20 “será unha festa con ritmos moi variados que van do funky, ao rock, con hip hop, e rap con músicos en directo”. Con eles estarán tamén Nillo Nández, de Pacifico, o Puto Coke, e os rapeiros de Licor Kafé. En total en escena haberá catorce músicos. A apertura de portas terá lugar ás oito da tarde, e dende ese momento o público poderá compartir a previa ao concerto na cafetería que se instalará para a ocasión no vestíbulo da Área Panorámica. Alí poderán ollar unha exposición de 24 fotografías de concertos en directo realizadas pola viguesa Queca Juárez.
Phantom Club está formado por Frans Banfield (voz), Seilaesencia (voz), Brian Moure (bajo), Juanma Ons(guitarra), Charlie Hermida (guitarra), Vitorio (batería), Nata Estévez (saxo alto) e Sutta (sampler y voces).
Os integrantes de Phantom Club tiñan claro que este concerto queríano facer en Tui porque segundo explica Frans Banfield “o grupo naceu aquí hai sete anos, isto gústanos, é a nosa casa”. Mentres Charlie Hermida explica que “o traballo facémolo a pulmón” indicando que se encargan de todo o proceso xa que non teñen manager nin produtor nin editorial, feito polo que queren amosar o seu agradecemento tanto ao Concello de Tui comas as distintas empresas que lles apoian nesta aventura. Un agradecemento que queren facer extensivo a Javier Abreu que será o enxeñeiro de son no concerto, a Gus Abreu que se encarga da parte técnica, e a Víctor Coyote que deseñou a imaxe e que sempre lles ten apoiado incondicionalmente.
A cita é o venres ás 21.30h no Teatro Municipal de Tui. O concerto durará preto de 100 minutos, e por cuestións técnicas, haberá un descanso de 10 minutos. As entradas están xa á venda na web www.culturatui.info, ou pódense mercar o propio venres no despacho de billetes da Área Panorámica ao prezo de 5 e 3€.

Este fin de semana XIII Festa dos Cogumelos en Entenza (Salceda de Caselas)

2009-11-10T20:46:00.002+01:00

Espicho do Faro, Entenza

2009-11-09T11:18:00.003+01:00

Foi unha das primeiras reportaxes que fixemos para esta páxina, cando a puxemos en marcha alá polo ano 2001, nel podese observar a evolución de dito parque dende a súa inauguración (ano 2000) ata estes días. O Espicho do Faro atópase na parroquia de Entenza, en Salceda de Caselas e é algo así como a aldea de Obelix un pequeno reducto da natureza que se atopa rodeado de canteiras por todas partes, pero ao igual que a pequena aldea gala, aínda resiste o acoso do imperio do granito.

Este sábado III Serán de San Martiño en Caldelas

2009-11-05T20:50:00.003+01:00

III Concurso fotográfico "As festas do Cristo 2009"

2009-11-03T11:18:00.004+01:00

A finais do pasado mes déronse a coñecer os premios do concurso fotográfico "As Festas do Cristo 2009". Se non tiveche ocasión de botarlle unha ollada, tanto as fotos gañadoras, coma o restos das que participaron, neste enlace do Archivo Municipal da Imaxe de O Porriño, poderás facelo.

Festa do Outono, este sábado en Mos

2009-10-30T16:56:00.003+01:00

Chegou o tempo de loitar

2009-10-13T20:27:00.007+02:00

Nas vindeiras semanas o novo goberno da Xunta derogará o decreto do galego, aprobado durante o mandato de Manuel Fraga, que vendo o que fan os seus cachorros acabará sendo un ilustre galeguista e defensor a ultranza da nosa lingua. Xa se ten falado moito deste tema, igual que da enquisa ou excusa que se usará para derogar dito decreto. Para os galegofalantes creo que chegou o momento de aparcar as verbas e comezar a loita. Para esta loita teremos que usar tódalas as armas ao noso alcance:

-Primeiro. Evitar accións que poidan ir contra dos defensores do galego. Feitos coma os acontecidos este fin de semana na Rúa Príncipe de Vigo, en nada benefician ao galego e en cambio poden ser usados polos seus detractores para desvalorar e desprestixiar aos defensores da nosa lingua.

-Segundo. Potenciar o consumo dos medios de comunicación que teñan como idioma único ou principal o galego. Na televisión témolo bastante cru cunha nova telegaita que xa vai soltando certo tufo nos seus telexornáis. Na prensa escrita xa temos outras opcións como Galicia-Hoxe, A Nosa Terra, A Peneira, etc. Aínda que estes xornáis non acaden a popularidade ou a diversidade de contidos doutros coma o Faro de Vigo ou La Voz de Galicia, estou seguro que se entre todos aumentamos a súa demanda, co tempo irían mellorando e obrigaría a estes máis coñecidos a aumentar o seu contido en galego.

-Terceiro. Favorecer positivamente as empresas que etiqueten os seus productos en galego. En similares condicións mercar sempre o producto etiquetado en galego. Na actualidade xa hai empresas que fan publicidade do seu leite decindo que so usan leite galego, isto é porque hai un grupo de consumidores que valoran que o leite sexa galego, aínda que non sexa o máis barato. Se hai un grupo importante de consumidores que valoren tamén que o producto estea etiquetado en galego as empresas non lles quedará outra que facer o etiquetado en galego.

-Cuarto. Elexir preferentemente para mercar as tendas, cadeas ou centros comerciais que fagan a súa publicidade en galego. Fixádevos nas vallas que vedes pola estrada, ¿cantas destas fan a súa publicidade en galego?. Son só unha pequena minoría.

-Quinto. Apuntarvos a proxectos coma limiar de galego que aposta pola creación dunha rede de escolas privadas en galego. Se os curas conseguiron facer as súas propias escolas, nós tamén podemos facelo.

-Sexto. Cando chamemos a un teléfono de asistencia telefónica, pedide sempre a opción de que vos atendan en galego, con iso conseguiredes dous beneficios, primeiro darlle traballo a alguén que sabe falar galego, e segundo e por experiencia propia, entenderan mellor os vosos problemas, xa que é máis complicado atopar unha persoa no Magreb ou en Latinoamerica que sepa falar galego.

-Séptimo. Participar en toda canta manifestación e acto a prol do galego se organice. Como a que terá lugar o vindeiro domingo día 18 en Santiago. Aos políticos non lle gusta nada té-la xente movilizada na súa contra, aínda que logo lle intenten quitar importancia dicindo que eran catro gatos ou que a única movilización válida é a das urnas. A ninguén lle gusta ter un grao no cú aínda que non vaia a morrer delo.

Se cada un de nós aporta o seu granciño de area, esa árbore feble que é o galego e que algúns queren enterrar, brotará con máis forza e cunhas pólas tan fortes que nin a bandada máis grande de gaivotas poderá dobregalas.

A Agrupación Xunco de Parderrubias presenta o ciclo cultural 2009

2009-10-09T00:05:00.005+02:00

Agrupación Cultural Xunco de Parderrubias (Salceda de Caselas).

Este venres festa house en Soutelo

2009-10-06T19:45:00.002+02:00

Son de Seu actúa este venres en Tui

2009-10-01T23:18:00.002+02:00

O Teatro Municipal de Tui inaugura mañá venres, 2 de outubro, a programación cultural de outono cun concerto da orquestra folk “Son de Seu” única das súas características en Galicia. A cita será ás 21.30h. As entradas son gratuítas até completar o aforamento, debendo retirarse dende ás 20h no despacho de billetes, cun máximo de dúas localidades por persoa.
Son de Seu creouse no ano 2000 no Conservatorio de Música Tradicional da Escola de Artes e Oficios de Vigo. Rodrigo Romaní dirixe aos 40 compoñentes desta agrupación que recrean o repertorio tradicional e de nova creación. O concerto é todo un espectáculo tanto pola interpretación coma pola coidada posta en escena. Nos seus concertos empregan instrumentos construídos na súa maioría no propio país por artesáns mesmo pertencentes á propia orquestra e arranxos contemporáneos na liña do xa clásico folk galego producidos en exclusiva para a formación polos profesores das aulas do conservatorio, todos eles con longa traxectoria no estilo.
Son de Seu é a primeira agrupación destas características en España e unha das primeiras en Europa. Arestora forman parte dunha organización europea entre cuxos obxectivos está formar outras orquestras similares noutros países da UE.
No concerto que mañá venres van ofrecer no Teatro Municipal de Tui os membros de Son de Seu van dalo todo no escenario, sen estar constriñidos pola pauta dun director xa que os propios músico plantean a dinámica en escena. O son que se poderá escoitar é o máis puro posible, xa que empregarán a máis mínima expresión de amplificación. Buscarán meter ao espectador no ambiente musical da orquestra. A cita será ás 21.30h.

Ruta dos Penedos dende Salceda

2009-09-29T00:26:00.005+02:00

Aproveitando o bó tempo que este verán tardío nos está agasallando nas últimas semanas, fixemos unha ruta de BTT polos 3 penedos, San Cibrán, O Pianista e o Faro de Budiño. A ruta é circular con saída e chegada en Salceda. Podedes descargarvos a ruta ou obter máis datos dela no nosa sección, Rutas Valdolouro. Aparte de aproveitar o bó tempo, tamén pode servirvos como adestramento para participar na marcha de BTT que o Clube Ciclista Aragonta organizará o 18 de outubro en Salceda.

Este domingo II Xornadas de Limpeza do Río Caselas

2009-09-25T20:50:00.004+02:00

Despois do éxito da primeira xornada de limpeza simultánea en ríos do ano pasado, repítese a experiencia o vindeiro domingo 27 de setembro. Este ano volve a ser a Asociación Cultural, Deportiva e Ecoloxista Treze Catorze a que organiza as II Xornadas de Limpeza do Río Caselas en Salceda de Caselas en colaboración con ADEGA e o Proxecto Ríos. Estas xornadas están incluídas na II Limpeza Simultánea de Riós que ADEGA organiza en toda Galicia e que conta coa colaboración de 22 institucións doutros tantos concellos.
Un dos problemas máis agravantes que sofren os nosos ríos segue a ser a gran cantidade de lixo que aparece nos cauces e ribeiras. Sobor de todo plásticos e entullos, elementos case habituais nos cursos fluviais e en moitos dos nosos montes. Dende a Asociación Treze Catorze e o Proxecto Ríos queremos concienciar á sociedade da necesidade de manter limpos os nosos ríos como premisa para a conservación da súa saúde. A limpeza non pasa só por ser unha actividade illada dun día de retirada de lixo. Para a conservación dos ecosistemas fluviais cómpre desenvolver actitudes responsables cara o medio natural e depende de todos/as frear a contaminación que están a sufrir os ríos. O coidado e o respecto polo entorno farían innecesarias nun futuro actividades como esta.
A Asociación Treze Catorze e o Proxecto Ríos entregarán aos grupos participantes un protocolo para difundir a limpeza ecolóxica e respectuosa dos ecosistemas fluviais, ademais de editar cartaces divulgativos para cada zona cun teléfono de contacto para que se apunten as persoas que queiran participar.
Nesta xornada a implicación do concello é fundamental para garantir a recollida do lixo que se saque dos ríos, para proporcionar o material necesario para a limpeza e para asegurar aos voluntarios/as participantes. O pasado ano retirouse un total de 11.020 toneladas de lixo (estimados) en toda Galicia e aproximadamente uns 120 Kg. en Salceda, de orixe diverso e incluso variopinto (neveiras, rodas, radiografías, colchóns...) Neste ano animamos aos participantes a pesar o lixo retirado e a difundir no propio concello a idea de que o río non é un vertedoiro.
As persoas que queiran participar nesta actividade deberán anotarse previamente chamando ao teléfono do coordinador da Asociación (615421199) ou email (trezecatorze@gmail.com) para confirmar a asistencia. A hora de saída será as 9.30 horas do domingo 27 de setembro na praza do concello de Salceda de Caselas.

Festas do Cristo en O Porriño este fin de semana

2009-09-24T23:07:00.003+02:00

Aínda que a programación cultural e deportiva das Festas do Cristo 2009 no Porriño xa comezou a primeiros de mes, este fin de semana terá lugar o arranque oficial das festas. Nesta páxina, animaporrino.net terás información detallada das distintas actividades que se celebrarán ao longo destas festas.

O Caselas F.C. presentou as súas categorías para esta tempada

2009-09-23T18:31:00.002+02:00

O pasado domingo 13 de setembro no Campo Municipal da Gándara celebrouse o acto de presentación das categorías de fútbol para esta tempada 2009-2010. Nun estadio abarrotado de xente os rapaces foron saíndo ao terreo de xogo cos seus diferentes equipaxes. As categorías de prebenxamín, benxamín, alevín, infantil, cadete e xuvenil, ademáis do equipo do Caselas F. C. agrupan en total máis de 100 rapaces, entre os que destaca unha nena que tamén se decantou polo mundo do fútbol.
No mesmo acto presentouse o novo himno do clube, recén composto e gravado, e que se vai poñer a disposición de todos os que queiran facerse co CD.
Así mesmo procedeuse á sinatura do convenio de colaboración entre o Concello de Salceda e o Caselas F.C. por parte de Marcos Besada, alcalde de Salceda, e Manuel Besada, presidente do club. Este convenio implica a aportación por parte do Concello de Salceda de Caselas de 30.000 € para contribuír á financiación do equipo. Hai que lembrar que as categorías inferiores están englobadas dentro das Escolas Deportivas Municipais, polo que xa o Concello está a financiar a súa formación. O club faise cargo do equipo dos mayores, que este ano xogan en categoría Rexional Preferente, e dos xuveniles.
Despois do acto celebrouse o encontro de liga entre o Caselas F.C. e o Porriño Industrial, con un resultado de 2-2. O evento serviu ademáis para recaudar fondos para Jessica, unha nena de Vigo con parálisis cerebral que precisa máis de 30.000 € para operarse e poder volver a camiñar.
No acto, ademáis do alcalde Marcos Besada e a Concelleira de Deportes Teresa Pérez, estiveron presentes diversos concelleiros nacionalistas, así como o concelleiro de deportes porriñés Marcos Rodríguez.

O Concello de Salceda presenta a Senda de Entenza polo río Caselas

2009-09-19T12:38:00.003+02:00

O Alcalde de Salceda de Caselas, Marcos Besada, o Concelleiro de Medio Ambiente, Enrique Cabaleiro e o Redactor do Proxecto, Julio Piñeiro presentaron na Casa da Cultura de Entenza o proxecto da senda que vai transcurrir polas beiras do Río Caselas na parroquia de Entenza.
As obras da citada senda vanse iniciar en breve prazo nun espazo privilexiado, ás orillas do Río Caselas ó longo de aproximadamente un kilómetro de lonxitude, concretamente entre a ponte de Agüin e a ponte do Picado. Este paseo transcorrerá nun entorno natural excepcional, entre árbores de ribeira e fauna e flora autóctona, respetando en todo momento os valores ecolóxicos e paixasisticos. Esta vai ser unha senda tamén con historia, xa que os seus arredores foron elixidos pola Raiña Aragonta para o seu exilio espiritual e relixioso, despois de separarse do seu marido Ordoño II. Da mansión onde se recluiu Aragonta, a Gargantada, conservase o pórtico moi preto do sendeiro proxectado.
Esta zona xa foi limpada no seu momento pola Confederación Hidrográfica a traves da empresa pública Tragsa e agora é o momento da empresa adxudicataria deste proxecto, Magonfer S.L. que contará con 84.769 € para a súa execución. Esta consiste nunha senda de dous metros de ancho, cun bordillo de pedra, sempre dentro dos cinco metros de servidume de dominio público hidraulico ou “paso de pescadores” como é coñecido vulgarmente. Contará asimesmo con tres pasarelas de madeira para salvar regatos, entre eles o de Baño ou Fraga.
O goberno municipal aposta por convertir a Salceda nunha vila máis atractiva para os veciños e veciñas de Salceda e para os que nos visitan, creando novos espazos de lecer e esparcemento, pero sempre conservando o medio natural . Marcos Besada, alcalde de Salceda, aposta por unha “nova vila” para vivir e desfrutar, fronte ó anterior modelo que pretendía unha absurda vila dormitorio. “A senda de Entenza será a primeira pero xa estamos traballando noutras, como pode ser a que unirá Salceda con Picoña, tamén polas orillas do Río Caselas”.

Petición de axuda dende Portugal

2009-09-17T23:52:00.002+02:00

Chegounos un e-mail dende Portugal buscando unha familia de O Porriño ou Mos que pasou as vacacións este mes de agosto no Parque Biologico do Douro. Se alguén ten datos de quen pode ser esta familia pode escribirnos a valdolouro@iespana.es. Este é o mail que recibimos:

"Pido disculpas por la molestia, si me puede ayudar a encontrar una familia de Porriño o Mos, que ha pasado las vacaciones en Portugal, en un barco donde yo soy el capitán. Esta familia tiene un hijo enano (muy pequeño) hace deporte en su bicicleta y moto, la familia tiene una industria de pollos. Si me pueden ayudar por favor enviarme por correo electrónico. Gracias por sus esfuerzos. No más "capitán" António Reis."

Nova aclaración do Concello de Salceda

2009-09-16T22:02:00.002+02:00

Parece que dende o Concello de Salceda estanse animando a rebatir as acusacións que están a sufrir dende o PP e algúns medios de comunicación afíns. Esta vez tócalle o turno ao campo de herba artificial que no seu día prometeu a Diputación e que se fai esperar. Como xa dixemos o outro día, onde hai datos non caben opinións. Esta é a nota oficial que nos fixeron chegar.

O PP DE SALCEDA NON DÍ A VERDADE SOBRE O CAMPO DE FUTBOL DE HERBA ARTIFICIAL.

O Concelleiro de Vías e Obras, Fortunato Álvarez e a Concelleira de Deportes, Teresa Pérez do Concello de Salceda de Caselas, fan as seguintes aclaracións en resposta ás notas de prensa enviadas polo Partido Popular de Salceda de Caselas con respecto ó campo de Fútbol de herba artificial do Penedo Redondo:

- Con data 24 de maio de 2007 asinouse un protocolo de colaboración entre a Deputación e o Concello de Salceda de Caselas para a instalación de herba artificial no Campo de Fútbol do Penedo Redondo en Parderrubias.
- Que o 27 de decembro de 2007 o alcalde de Salceda de Caselas, Marcos Besada, e o Concelleiro de Vías e Obras, Fortunato Álvarez, mantiveron unha reunión co Presidente da Deputación, Rafael Louzán na que se pactou a confirmación do anteriormente citado protocolo, unha vez se cumpriran as cláusulas nel establecidas.
- Que no Boletín Oficial da Provincia nº. 103 de 22 de xuño de 2009 aparece publicado o acordo adoptado pola Xunta de Goberno da Deputación a adxudicación provisional para a contratación da execución do proxecto “Campos de Fútbol de Herba Artificial – 3ª Fase”, pero o Concello de Salceda segue sen ter por escrito unha confirmación oficial de que a Salceda lle corresponde un.
- Que os traballos a realizar polo Concello de Salceda de Caselas, esixidos pola Deputación Provincial de Pontevedra para que esta inicie as obras de instalación do céspede, xa están executados (dispoñer de auga corrente, dispoñer de corrente eléctrica para iluminación e funcionamento de motores, a cesión dos terreos por parte da Comunidade de Montes de Parderrubias, asinada entre o Concello e a Comunidade o 26 de febreiro de 2009 e as obras o cerramento do campo de fútbol que a empresa adxudicataria COVSA acaba de rematar).
- Que o 1 de setembro de 2009 o Concello de Salceda de Caselas voltou a solicitarlle por escrito á Deputación Provincial de Pontevedra que continuase co procedemento para a adxudicación definitiva ó Concello de Salceda de Caselas do citado campo de Fútbol.
- Que a iluminación do campo e o arranxo dos vestiarios xa están adxudicados a dúas empresas. A iluminación está pendente do resto das obras que ten que executar a Deputación xa que dependen delas e os vestiarios executaranse en breve prazo.En canto ás gradas, non é condición indispensable e de feito hai moitos campos, inaugurados e en funcionamento, que a día de hoxe seguen sen graderios. De todas formas o Concello xa dispón dun proxecto para a instalación das mesmas,
- Por todo isto entendemos que “a Deputación xa pode seguir o procedemento para iniciar as obras que dependen dela e que si non o fai é por intereses políticos en contra dos veciños e veciñas de Salceda e o Partido Popular de Salceda sabeo, sendo cómplice desta situación”.

II Serán Carballeira o sábado 26 na Picoña

2009-09-15T19:00:00.007+02:00

Os seráns eran xuntanzas festeiras dos nosos antergos, que despois de traballar nas tarefas agrícolas reuníanse para cantar e bailar. Os actuais seráns proveñen desas xuntanzas e son organizados normalmente por asociacións culturais que pretenden recuperar os cantes e melodías tradicionais da nosa terra, así como as tradicións propias da nosa terra.
A Asociación de Veciños Carballeira no seu intento de conservar o patrimonio cultural etnográfico e musical da parroquia de Picoña, do Concello de Salceda de Caselas e en xeral de Galicia toma a iniciativa de organizar o II Serán Carballeira.
Por todo elo propoñense recuperar esas manifestacións culturais. O obxectivo é que conflúan xente maior con xente nova para que os primeiros lle transmitan as súas experiencias, músicas e cantigas así como as tradicións da zona. En Picoña, así como noutras parroquias veciñas aínda viven persoas que formaron parte daqueles seráns e que aínda tocan instrumentos como gaitas, requintos, bombos, Caixas, pandeiros ou pandeiretas ou fan da voz o mellor instrumento.
O II Serán Carballeira celebrarase no torreiro de festas de A Picoña, chamado “Adro” e a el convidarase a tódolos grupos de música tradicional que queiran asistir, así como a calquera persoa ou grupo de persoas que queiran subir ó escenario para cantar, tocar ou bailar calquera peza tradicional.
Ademais vaise organizar unha exposición de fotos antigas entre as que se destacarán aquelas que teñan un contido festivo-musical. Tamén se pretende facer unha exposición de obxectos antigos.
Esperase que se acheguen ata o Torreiro de Festas de Picoña unhas 500 persoas procedentes de toda a provincia de Pontevedra.

Aclaracións sobre a pasada Festa dos Callos de Salceda

2009-09-14T20:36:00.003+02:00

Onte recibimos un comunicado de aclaración da Concelleira de Cultura de Salceda sobre o desenrolo da pasada Festa dos Callos de Salceda. Como a nós nos gustan máis os datos que as opinións e nesta nota de prensa hai moitos datos interesantes, queremos achegarvos a tod@s o seu contido.

"O grupo de goberno do Concello de Salceda de Caselas quere responder ás acusacións vertidas polo grupo do Partido Popular en torno á Festa dos Callos:

- En canto ao tema do pregoeiro: este ano o pregoeiro non cobrou polo pregón senon por ofrecer o seu espectáculo no Auditorio Municipal. O grupo do BNG quere defender o dereito de toda persoa a cobrar polo seu traballo, e hai que lembrar que estamos a falar dun actor e monologuista que está a desenvolver o seu traballo, polo cal ten unha tarifa fixada. En canto ao espectáculo de Carlos Blanco é certo que era recomendado para mayores de 14 anos polos contados do mesmo, pero cáusanos estupor ver que se refiren a un espectáculo “para unha minoría” cando houbo xente que non puido entrar no Auditorio Municipal porque este estaba ateigado de xente.
- No referido á actuación de Quempallou, o que non estamos dispostos é a exercer a censura nin cin Quempallou, nin con Carlos Blanco nin con ninguén, polo cal cada ún é libre de expresarse á súa maneira.
- En canto ás palabras de “despilfarro e descontrol” no referido á carpa para as autoridades, decir que nesa carpa só se sirven os mesmos callos que degustan o resto dos comensales, con un custe cero para o Concello. Despilfarro eran os tres ou catro mil euros que se gastaba o PP na comida oficial que lle ofrecía aos seus “amigos” despois da festa, á que nin sequera tiñan a decencia de convidar aos membros da corporación municipal.

Por último lembrar que cando o PP organizaba a Festa dos Callos estaba custáballe ao Concello de Salceda de Caselas entre 12.000 e 40.000 €, e agora mesmo está resultando con un custe cero, polo que lles pedimos ao grupo do PP un pouquiño de cautela cando se fala de “despilfarro e descontrol”.

Mª Teresa Pérez González
Concelleira de Cultura, Xuventude e Deportes"